دل مردہ دل نہيں ہے،اسے زندہ کر دوبارہ

دل مردہ دل نہيں ہے،اسے زندہ کر دوبارہ
کہ يہي ہے امتوں کے مرض کہن کا چارہ

ترا بحر پر سکوں ہے، يہ سکوں ہے يا فسوں ہے؟
نہ نہنگ ہے، نہ طوفاں، نہ خرابي کنارہ!

تو ضمير آسماں سے ابھي آشنا نہيں ہے
نہيں بے قرار کرتا تجھے غمزہ ستارہ

ترے نيستاں ميں ڈالا مرے نغمہ سحر نے
مري خاک پے سپر ميں جو نہاں تھا اک شرارہ

نظر آئے گا اسي کو يہ جہان دوش و فردا
جسے آگئي ميسر مري شوخي نظارہ