روشن دل

میلاد نبی کا مناتے رہیں گے
محفلیں یوں ہی سجاتے رہیں گے

لگا کر جھنڈے بتایا جبریل نے
یوم حشر تک لہراتے رہیں گے

گونجتی رہیں گی نعتوں سے فضائیں
محبت بھرے نعرے مہکاتے رہیں گے

جشن ولادت میں آنے والوں کی
فرشتے روزانہ فہرستیں بناتے رہیں گے

نوازتے ہیں اپنی آمد سے آقا
راہوں میں آنکھیں بچھاتے رہیں گے

ہوتی ہیں نازل انوار کی بارشیں
برکتوں سے فائدے اٹھاتے رہیں گے

ملے گی جنت ضرور ان کو
اشک یاد مصطفی بہاتے رہیں گے

ہوجائیں گے روشن دل ہمارے
شمعیں صدیق ایسی جلاتے رہیں گے