شبیر کے سہارے

PoetShabbir Rana Submitted byDr. Ghulam Shabbir Rana
Text size

ہے حوصلہ ہمارا شبیر کے سہارے
مل جائے گا کنارا شبیر کے سہارے

سامنے عدو تھے اور جبر کوبہ کو تھے
میں ہو گیا صف آرا شبیر کے سہارے

بے رحمی اور شقاوت اہل جہاں نے کی ہے
کیے سارے غم گوارا شبیر کے سہارے

جمگھٹ تھا اشقیا کا ملی کوفے کی اسیری
عرصہ وہاں گزارا شبیر کے سہارے

تیری عنایتوں سے ارض وطن ہو یا رب
راحت کا اک گہوارہ شبیر کے سہارے

درماندہ رہرو اور کالی کٹھن مسافت
ہے چل پڑا بے چارہ شبیر کے سہارے

سیل زماں نے جب بھی گرداب میں گرایا
قسمت کو ہے سنوارا شبیر کے سہارے

یاس و ہراس سب کچھ اہل جفا نے دے دی
رحمت کا تھا اشارہ شبیر کے سہارے

More Religious Poetry

Copied