شفق کی راکھ میں جل بجھ گیا ستارۂ شام

Poetفیض احمد فیض Submitted byAsher
Text size

شفق کی راکھ میں جل بجھ گیا ستارۂ شام
شب فراق کے گیسو فضا میں لہرائے

کوئی پکارو کہ اک عمر ہونے آئی ہے
فلک کو قافلۂ روز و شام ٹھہرائے

یہ ضد ہے یاد حریفان بادہ پیما کی
کہ شب کو چاند نہ نکلے نہ دن کو ابر آئے

صبا نے پھر در زنداں پہ آ کے دی دستک
سحر قریب ہے دل سے کہو نہ گھبرائے

Related tags on Parveen Shakir poetry

More Faiz Ahmed Faiz Poetry

Copied