قرآن کی آیات کے معنی جو سمجھتے
Poet: وشمہ خان وشمہ By: وشمہ خان وشمہ, منیلا دل اپنے اگر دوستو مردار نہ ہوتے
دنیا کی نگاہوں میں کبھی خوار نہ ہوتے
ہر قوم سے بہتر تھی یہی قوم مسلماں
کچھ لوگ اگر قوم میں غدار نہ ہوتے
قرآن کی آیات کے معنی جو سمجھتے
بدکار ،گنہگار ، سیہ کار نہ ہوتے
صد شکر کہ امت میں ہیں سرکار کی ورنہ
ہم لوگ کبھی خلد کے حقدار نہ ہوتے
آداب شریعت کے ہمیں کون سکھاتا
باقی جو اگر عابدِ بیمار نہ ہوتے
پھر دینِ محمّد کا الم کون اٹھاتا
کربل میں جو عبّاس الم دار نہ ہوتے
خیبر کا قلعہ پل میں بھلا کون گراتا
موجود اگر حیدرِ کرار نہ ہوتے
وشمہ کبھی بھوکا نہ کوئی سوتا پڑوسی
کنجوس اگر آج کے زردار نہ ہوتے
Rate it: 
Views: 158
06 Oct, 2022
More Religious Poetry
