میں جب لکھوں , پڑھوں نامِ محمد

میں جب لکھوں , پڑھوں نامِ محمدﷺ
تو دے دل کو سکوں نامِ محمدﷺ

پکاروں جب بھی , کردے دور مجھ سے
جہاں کے سب فسوں نامِ محمدﷺ

مُعبر ! خواب کی تعبیر کیا ہے؟
میں عَلموں پر کڑھوں نامِ محمدﷺ

ملے گا جامِ کوثر اُس جہاں میں
یہاں پر میں پیوں نامِ محمد ﷺ

یہی حسرت ہے کردیں اذن جاری
میں روضے پر جیوں نامِ محمدﷺ

سرِ محشر یہ مجھ کو ڈھانپ لے گا
نہ پھر میں کیوں بُنوں نامِ محمدﷺ

عطا ہے نعت انﷺ کی حاوی , ورنہ
کہاں جرأت لکھوں نامِ محمدﷺ