نبی کا عشق و خیال دیدے
Poet: Dr.Muhammed Husainb Mushaid Razvi By: Dr.Muhammed Husain Mushahid Razvi, Malegaonنبی کا عشق و خیال دیدے
کوئی رضا کی مثال دیدے
مجدّدِ عصرِ حال دیدے
ترے نبی کو پسند ہو ، جو
خدایا! ایسا کمال دیدے
نبی کے گستاخ کانپ اُٹھّیں
ہمیں تو ایسا جلال دیدے
کریں فقط تیری بندگی ہم
ترے نبی کا خیال دیدے
جو دیکھے جانے ہے مردِ مومن
جبیں پہ ا یسا جمال دیدے
نبی کے جتنے ہیں نام لیوا
تو سب کو رزقِ حلال دیدے
دلوں میں تیری تڑپ ہو یارب
تو ہم کو ایسا ملال دیدے
مری محبت کے آئنے میں
نبی کا عکسِ جمال دیدے
رضاؔ کے صدقے میں یا الٰہی
نبی کا عشق و خیال دیدے
کرے تری ہی ثنا مُشاہدؔ
اسی میں اس کو کمال دیدے
٭
Rate it: 
Views: 539
07 Nov, 2012
More Religious Poetry
امت کو ملی ، بندہ ء سبحان کی خوشبو وہ نورِ مبیں ﷺ لائے تھے قرآن کی خوشبو
امت کو ملی ، بندہ ء سبحان کی خوشبو..
امت کو ملی ، بندہ ء سبحان کی خوشبو..
سید ایاز مفتی ( ابنِ مفتی)
