وطن کے شہداء کے نام

آؤ تمھیں بتاؤں ذرا
کامل ایمان کیا ہوتا ہے

وطن سے عشق کی جب بات ہو
تو فرض کے لئیے قربانی دینا کیا ہوتا ہے

آو ملواوں ان سے جو ان راہوں سے گزرے ہیں
بڑے ہی شوق سے اور بے شمار گزرے ہیں

صف بہ صف جوق در جوق
بہت پرسکون اور بے باک وہ لوگ

ملو ان سے جو ہیں ابدی زندگی کے چراغ
جنہیں ہم سب کہتے ہیں ہمارے شہداء

دیکھو تو چہرے ان جاں فروشوں کے
دمک رہے ہوں نور سے جیسے ہر دم

مثال نہیں ملتی ایسے جاں بازوں کی
منزل ہو شہادت جن سر فروشوں کی

شہادت کا تاج پہنے ہوئے
چہکتے ہوں گے جنت میں

ان تمام وجود کو سلام ہو
ان تمام شہداء کو سلام ہو

ان تمام رہبروں کو سلام
ان تمام جنتیوں کو سلام