کالی کملی وچ چھپا لیہ کالی کملی والیا

کالی کملی وچ چھپا لیہ کالی کملی والیا
مینوں سینے نال لا لیہ کالی کملی والیا

ایس توں پہلاں کہ میری جان نکل جاوے
مینوں اپنے کول بلا لیہ کالی کملی والیا

میں کسے ہور دے در توں نئیں خیر منگنی
مینوں اپنا فقیر بنا لیہ کالی کملی والیا

تیرے کول آیاں بڑی دوروں میں عیباں پریا
مینوں جہنم توں بچا لیہ کالی کملی والیا

تیری موڑدا نئیں کوئی وی گل رب سوہنا
میری لئی وی اک سفارش پا لیہ کالی کملی والیا

امتیاز کردا اے عرضی سوہنیاں اگوں تیری مرضی
امت اپنی توں غماں دے طوفان ہٹا لیہ کالی کملی والیا