ارقم, نبراس, باسل۔۔۔ لڑکوں کے 10 دلچسپ بلوچی نام اور ان کے معنی جو سنتے ہی پسند آجائیں

تاہم والدین اپنے بچوں کے ناموں کو لے کر کافی حساس ہوتے ہیں، ان کی یہ کوشش ہوتی ہے کہ پیدا ہونے والے بچوں کے ایسے نام رکھے جائیں جو سننے میں اچھے لگیں اور جن کا مطلب خوبصورت ہو، کیونکہ ناموں کے مطلب کا اثر براہِ راست بندے کی شخصیت پر پڑتا ہے۔

آج ہم آپ کو بلوچی لڑکوں کے کچھ ایسے منفرد اور زبردست نام بتانے والے ہیں جن کا مطلب بھی اچھے ہیں اور جو بلوچی لوگ کافی پسند بھی کرتے ہیں

 

1: نبراس (Nibraas)
 نبراس مسلمان لڑکوں کا نام ہوتا ہے جو زیادہ تر بلوچی لوگ اپنے بیٹوں کا رکھتے ہیں۔ یہ نام منفرد ہے اور زیادہ سنا ہوا بھی نہیں ہے۔ اس نام کی خاص بات یہ ہے کہ اس کے معنی بہت زبردست ہیں۔ نبراس کا مطلب ہے 'جرات مند٬ بہادر، دلیر، نڈر، شجاع'۔ نام کا مطلب چونکہ براہ راست شخصیت پر ہوتا ہے، یہ ہی وجہ ہے کہ نبراس کا انتخاب بہت سے والدین اپنے بیٹوں کے لیے کرتے ہیں۔

2:  ناوید (Nawid)
 ناوید نام کا تعلق عربی زبان سے ہے جس کے معنی ہیں 'بشارت اور خوشخبری'۔ یہ نام بہت ہی پیارا ہے، جو کہ بلوچی لوگ رکھتے ہیں۔ دوسری زبانوں سے تعلق رکھنے والے بھی چند افراد اس نام کو اپنے بیٹوں کے لیے منتخب کرتے ہیں۔

3: ضابط  (Zabit)
  ضابط بھی بلوچی نام ہے، یہ نام عربی زبان کا ہے۔ ضابط کے معنی ہیں 'مضبوط اور مستحکم'۔ یہ نام اچھا ہونے کے ساتھ ساتھ منفرد بھی ہے۔

4: غازان  (Ghazan)
 غازان بھی بہت سے بلوچی خاندانوں میں لڑکوں کا نام ہوتا ہے۔ غازان کے معنی ہیں 'مقدس جنگ'۔ یہ نام سننے میں کافی اچھا، منفرد اور دلچسپ ہے۔

5: سہراب (Sohrab)
 سہراب فارسی زبان کا نام ہے، یہ بھی بلوچی خاندانوں میں رکھا جاتا ہے۔ سہراب کے معنی ہیں 'دلیر، نڈر، بے باک'۔

6: ارقم  (Arqam)
 ارقم نام مسلمان لڑکوں کا رکھا جاتا ہے، اس نام کے معنی بہت ہی خوبصورت ہیں جو کہ 'مصنف، بہترین لکھنے والا، تحریر کرنے والا' کے ہیں۔ ارقم ناصرف بلوچی زبان کے لوگ بلکہ اردو زبان سے تعلق رکھنے والے بھی رکھتے ہیں۔

7: مراد  (Muraad)
 مراد نام بلوچی خاندانوں کا کافی مشہور نام ہے، یہ نام منفرد اور مختصر ہے۔ مراد کے معنی اس کے نام میں ہی چھپے ہیں، جو کہ 'خواہش، کسی چیز کی چاہ رکھنا، کسی چیز کو مانگنا' کے ہیں۔ مراد عربی زبان کا نام ہے۔

8: بالاچ (Balach)
 بالاچ کافی منفرد نام ہے، اس نام کے معنی انتہائی خوبصورت ہیں۔ بالاچ بلوچیوں کا خاص نام ہے، اس کے معنی ہیں 'سورج کی روشنی اور بلند سوچ والا'۔

9: بہرام (Behram)
 بہرام نام ناصرف بلوچی خاندانوں بلکہ پشتو گھرانے میں بھی بے حد مقبول ہے، بہرام 'سیارہ مریخ' کو کہا جاتا ہے۔

10: باسل (Basil)
 باسل نام بھی بلوچی لوگ اپنے بیٹوں کا رکھتے ہیں۔ اس نام کے معنی ہیں 'بہادر٬ دلیر٬نڈر٬ شجاع، جرات مند'۔ اس نام کا تعلق عربی زبان سے ہے، نام کے مطلب کی وجہ سے والدین اس کا انتخاب کرتے ہیں۔ بلوچی خاندانوں میں یہ نام کافی عام ہے۔