جنت کا پھول ۔۔۔۔ لڑکیوں کے ایسے نام جن کہ معنی سن کر ہر کوئی رکھنا چاہے گا

بیٹی اللہ کی رحمت ہوتی ہے، جب کسی عورت کی پہلی اولاد بیٹی ہو تو اس کا رتبہ بڑھ جاتا ہے۔ تمام والدین اپنی بیٹیوں کے نام اس طرح کے رکھنا چاہتے ہیں جو سننے میں اچھے لگیں اور جن کے معنی بھی شاندار ہوں کیونکہ اس بات سے انکار نہیں کیا جاسکتا کہ نام کے مطلب کے اثرات شخصیت پر براہ راست پڑتے ہیں لہٰذا ماں باپ اپنی بیٹیوں کے لیے کافی سوچ سمجھ کر نام کا انتخاب کرتے ہیں۔

آج ہم آپ کو ننھی پریوں کے 10 ایسے نام بتانے والے ہیں جو سننے میں پیارے اور ان کے مطلب بہترین ہیں۔

1: عشال  (Eshaal)

عشال اردو زبان کا نام ہے، آج کل بہت سے والدین یہ نام اپنی بچیوں کا رکھ رہے ہیں کیونکہ یہ سننے میں اچھا لگتا ہے۔ اس نام کو منتخب کرنے کی بنیادی وجہ نام کے معنی ہیں جو کہ ''جنت کا پھول'' ہیں۔

2: نورالہدیٰ  (Noor ul Huda)

نورالہدیٰ ایک انتہائی خوبصورت نام ہے جو بہت سے والدین اپنی ننھی شہزادیوں کے لیے منتخب کرتے ہیں۔ یہ نام منفرد ہونے کے ساتھ ساتھ کافی خاص بھی ہے، نورالہدیٰ عربی زبان کا نام ہے جس کے معنی ہیں ''ہدایت کی روشنی''۔

3: حفصہ  (Hafsa)

حفصہ عربی زبان کا مختصر اور پیارا نام ہے۔ اس نام کی خواتین انتہائی مضبوط شخصیت کی مالک ہوتی ہیں۔ حفصہ پرانے زمانے میں جتنا مقبول نام ہوا کرتا تھا، آج بھی یہ اتنا ہی مقبول ترین ہے۔ حفصہ 'حضور اقدس صلی اللہ علیہ وسلم کی زوجہ مطہرہ کا نام' تھا جس کے معنی ہیں ''شیر کی بیٹی، جمع کرنا، اکٹھا کرنا''۔

4: خدیجہ (Khadija)

خدیجہ انتہائی خوبصورت نام ہے، اس نام کی عورتیں ''ایک مستحکم شخصیت کی مالک'' ہوتی ہیں۔ خدیجہ عربی زبان کا نام ہے جو کہ 'حضورِ اکرم صلی اللہ علیہ وسلم کی زوجہ محترمہ کا نام' تھا۔

5: حائقہ (Haiqa)

حائقہ عربی زبان کا نام ہے جس کے معنی ہیں ''اللہ سبحان و تعالیٰ کی عبادت کرنے والی، سچی، صادق''۔ اس نام کا مطلب بہترین ہے جس کی وجہ سے بہت سے والدین اس نام کو اپنی بیٹیوں کے لیے پسند کرتے ہیں۔

6: عائشہ (Ayesha)

عائشہ نام ہر دور میں نیا اور مقبول رہا ہے، عائشہ کے معنی ہیں ''آرام پانے والی، راحت وسكون سے رہنے والی''۔ یہ نام 'حضورِ اکرم سرور كائنات صلی اللہ عليہ وسلم كی زوجہ محترمہ کا نام' تھا۔ یہ نام عربی زبان کا ہے۔

7:  اقصیٰ (Aqsa)

اقصیٰ عربی زبان کا نام ہے۔ یہ ایک 'مسجد کا نام' ہے جس کے معنی ہیں ''انتہا بعید کنارہ، سرا''۔

8: طیبہ (Tayyaba)

طیبہ عربی زبان کا نام ہے، یہ نام مختصر ہونے کے ساتھ ساتھ پیارا بھی ہے۔ طیبہ کے معنی ہیں ''اقبال مند، خوش، دلکش''۔

9: زینب (Zainab)

زینب بھی کافی مقبول نام ہے جس کا تعلق عربی زبان سے ہے۔ زینب 'نبی کریم صلی اللہ علیہ وسلم کی صاجزادی کا نام' تھا جس کا مطلب ہے ''سخاوت کرنے والی، سخی، خوشبودار''۔

10: حبیبہ (Habiba)

حبیبہ نام بھی کافی مختصر اور پیارا ہے۔ یہ عربی زبان کا نام ہے جس کے معنی ہیں ''دوست، محبت کرنے والی''