مُعین، مدد کرنے والا! پاکستان کے مشہور کامیڈین کے نام اور ان کے دلچسپ معنی جو آپ بھی رکھ سکتے ہیں

  آج ان میں سے کچھ لوگ ہی اس دنیا میں نہ رہے، مگر ان کی آوازیں آج بھی چہروں پر مسکراہٹ لے آتی ہیں۔


   ٭ دُردانہ بٹ:
   اداکارہ اور کامیڈین دُردانہ بٹ کئی برس سے کینسر کے مرض میں مبتلا تھیں، مگر آخری وقتوں میں ان کو کورونا وائرس بھی ہوگیا تھا اور وہ اس دنیا سے رخصت ہوگئیں۔ ان کے نام کے معنی ہیں: '' ایک پھول، ہمدرد پھول، رحم دل، پھولوں کو چشمہ ​''۔
 

  ٭ مرزا شاہی:
    ​ڈرامہ سیریل قدوسی صاحب کی بیوہ میں علیم الدین کا کردار اور نادانیاں میں چچا کمال کے کردار کی وجہ سے شہرت حاصل کرنے والے کامیڈین 70 برس کی عمر میں دل کا دورہ پڑنے سے ایک سال قبل اپنے پیاروں کو تنہا چھوڑ گئے تھے۔ ان کے نام کے معنی ہیں: '' امیر زادہ، مغلوں کی ایک ذات، رئیس، دولتمند''

  ٭ سکندر صنم:
   ​کامیڈین سٹیج پرفارمر سکندر صنم جنہوں نے کم عمری سے ہی اپنے کیرئیر کا آغاز کیا اور دنیا بھر میں خوب شہرت کمائی، ان کو جگر کا کینسر ہوگیا تھا جس کی وجہ سے یہ 52 سال کی عمر میں اس دنیا سے رخصت کرگئے۔ انہوں نے بھارتی فلموں کی پیروڈی کو مزاحیہ انداز میں تیار کیا جن میں کھل نائیک، تیرے نام 2، گجنی 2، منا بھائی کی پیروڈی بھی بنائی تھی۔ ​ان کے نام کے معنی ہیں: '' سکندر اعظم، بلند و بالا، سچا، یونان کا بادشاہ''۔

  ​٭ خواجہ اکمل:
 ​خواجہ اکمل جن کا مشہور کردار بلبلے میں خوبصورت کے پاپا کا تھا۔ ان کا انتقال 72 سال کی عمر میں دل کا دورہ پڑنے کے باعث ہوا۔ ان کے مشہور ڈراموں میں ناٹک، بلبے اور رس گلے ہیں۔
​ان کے نام کے معنی ہیں: '' بڑا کامل، بڑا بہادر، بلند مرتبہ ''۔
 

 ٭ اسمعیل تارہ:
  اسمعیل تارہ جنہوں نے کئی سٹیج ڈراموں اور ٹی وی ڈراموں میں کام کیا اور ہر ایک میں منفرد ڈائیلاگ کے انداز میں مشہوری پائی​ان کے نام کے معنی ہیں: '' مسکراہٹ، مسرت، خوشی، تبسم، دلیر، بہادر، حضرت ابراہیم علیہ السلام کے فرزند کا نام''۔

 ٭ جاوید کوڈو:
  جاوید کوڈو آشیانہ ڈرامے سے شہرت حاصل ​کرکے مشہور ہوئے، ہر پروگرام میں جن کو باقاعدہ چیف گیسٹ کے طور پر بلایا جاتا تھا اج اتنے علیل ہیں لیکن کوئی یاد تک نہیں کرتا۔ ان کے نام کے معنی ہیں: '' ہمیشہ قائم و دائم، خوش اخلاق، سادگی پسند۔''

 ٭ عمر شریف:
  اداکار اور کامیڈی کنگ عمر شریف جن کا حال ہی میں انتقال ہوا ہے ان کو رہتی دنیا تک اب شاید کوئی بھول نہ سکے۔ ان کے نام کے معنی ہیں: '' زندگی، مدت، سن، طویل زندگی والا، حیات، دوسرے خلیفہ کا نام عمر بن الخطاب''۔

 ٭ معین اختر:
  معین اختر بھی سب کو ہنساتے ہنساتے دنیا سے رخصت ہوگئے ان کے نام کے معنی ہیں: '' مدد کرنے والا، ساتھ رہنا، امداد كرنا، حمايت كرنا''۔

 ٭ امان اللہ:
  کامیڈین امان اللہ آخری وقت تک لوگوں کو ہنساتے رہے ان کے انداز اور ہنسی سے لوگوں کے چہروں پر خوب مسکراہٹیں بکھریں لیکن اب یہ بھی ہم میں نہ رہے ان کے نام کے معنی ہیں: '' اعتبار، اللہ کا خیال''۔
 

 ٭ شکیل صدیقی:
  شکیل صدیقی آج بھی لوگوں کو اپنے تنز و مزاح اور مختلف شکلیں بنا بنا کر ہنسانے میں مشہور ہیں۔ شکیل صدیقی پاکستانی کامیڈین بھی ہیں اور اداکاربھی ہیں جو پاکستان میں زیادہ تر "تیلی" کے نام سے مشہور ہیں۔ ان کے نام کے معنی ہیں: '' وضع دار، خوبصورت، خوش شکل، وجیہ، حسین و جمیل''.

  آپ کو کس کا مزاحیہ انداز سب سے زیادہ پسند ہے؟ ہمیں ہماری ویب کے فیس بک پیج پر لازمی بتائیے گا۔