رحاب ! جنت کی ٹھنڈک ۔۔۔ پاکستانی کرکٹرز کے بچوں کے نام اور ان کے دلچسپ معنی

لیکن نام کا انتخاب دراصل بڑا مشکل کام ہوتا ہے کیونکہ نام آپ کے بچے کی شخصیت پر اثرانداز ہوتا ہے۔ کچھ ایسے ہی ہمارے کرکٹرز بھی ہیں جنہوں نے بڑے سوچ سمجھ کے بعد اپنے بچوں کے نام رکھے ہیں۔ آپ بھی دیکھیں ان کے بچوں کے نام اور ان کے خوبصورت معنیٰ تاکہ اپنے بچوں کو بھی ان پیارے ناموں کا تحفہ دے سکیں۔


1:٭ سرفراز احمد:
 کرکٹر سرفراز احمد کے 2 بچے ہیں، ایک بیٹا اور ایک بیٹی۔ ان کے بیٹے کا نام عبداللہ اور بیٹی کا نام عائشہ ہے۔

 عبداللہ :
  عبداللہ کے معنی ہیں: '' اللہ کا بیک بندہ، قابلِ تعریف، قابلِ عزت۔ '' یہ عربی زبان کا لفظ ہے۔

 عائشہ:
  سرفراز احمد کی بیٹی عائشہ کے معنی: '' خوش قسمت، محنتی، ثابت قدم، سب سے زیادہ پسند کی جانے والی۔'' یہ عربی کا لفظ ہے۔ ان کے بچے دیکھنے والوں کو اپنی طرف متوجہ کرلیتے ہیں۔ 

 2٭ محمد حفیظ:
 محمد حفیظ کی دو بیٹیاں ہیں ان کے نام ایمان اور امل ہیں۔

 ایمان:
 ایمان کے معنی ہیں: '' یقین رکھنے والی، قابلِ بھروسہ، محبتیں بٹورنے والی، خوش شکل'' ۔ یہ عربی زبان کا لفظ ہے۔

امل:
 امل کے معنی ہیں: '' نیک خواہشات٬ تمنائیں، امیدیں''۔ یہ عربی اور فارسی زبان کا لفظ ہے۔

3٭ عمر گُل:
 عمر گُل کے 3 بچے ہیں۔ ایک بیٹا عیسیٰ اور دو بیٹیاں رحاب اور زینب ہیں۔ سب سے چھوٹی بیٹی کی پیدائش حال ہی میں ہوئی ہے۔

 عیسی:
 ان کے بیٹے کا نام عیسیٰ ہے جس کے معنی ہیں: ''پیغام دینے والا، چُنا ہوا روشن ستارہ۔'' یہ عربی زبان کا لفظ ہے۔

رحاب:
  بڑی بیٹی کا نام رحاب ہے جس کے معنی: '' بلند و برتر، جنت کی ٹھنڈک، وسیع اور روشن''۔ یہ فارسی اور سنسکرت کا لفظ ہے

 زینب:
 عمر گل کی سب سے چھوٹی گُڑیا کا نام زینب ہے جس کے نام کا مطلب ہے: '' سخی دل والی، معاف کرنے والی، جس کی برابری کرنے والا کوئی نہ ہو'' ۔ یہ عربی کا لفظ ہے۔

 4٭ عماد وسیم:
 عماد وسیم کے ہاں حال ہی میں ایک ننھی سی گڑیا جیسی بیٹی پیدا ہوئی ہے جس کا نام سیدہ عنایہ وسیم ہے۔
 

عنایہ:
 اس نام کا مطلب ہے: '' موٴثر ہونا، تعلُّق رکھنا، مُتعلِّق ہونا''۔ یہ اردو کا لفظ ہے۔
 

 5٭  وسیم اکرم:
  سابق کپتان وسیم اکرم کے 3 بچے ہیں۔ دو بیٹے اور ایک بیٹی، جن کے نام عالیہ، تیمور اور اکبر ہیں۔
 

عالیہ:
  ملکہ، حُکم چلانے والی، خوبصورت روشنی '' ۔ یہ عربی اور فارسی زبان کا لفظ ہے۔
 

 تیمور:
 خوددار، وفادار، فوجی، بہادر، طاقتور، امن پسند '' ہیں۔ یہ فارسی کا نام ہے۔
 

اکبر:
 اکبر کے معنی ہیں: '' بلند درجہ، بہت اونچا مقام، بہت بڑا '' ۔ یہ عربی زبان کا لفظ ہے۔
 

 آپ کو بھی یہ نام پسند آئے ہیں تو ہمیں ہماری ویب کے فیس بُک پیج پر کمنٹ سیکشن میں ضرور بتائیے گا۔