مرید عباس کے قاتل، عاطف زمان نے زارا عباس سے معافی مانگ لی

کراچی جوڈیشل کمپلیکس میں اینکر مرید عباس قتل کیس میں ملزمان کے وکیل کی عدم حاضری کے باعث آج بھی فرد جرم عائد نہ ہوسکا،ایڈیشنل سیشن جج نے ملزمان کے وکلا کو پیش ہونے کیلیے حتمی مہلت دیتے ہوئے سماعت یکم فروری تک ملتوی کردی۔

دوران سماعت فاضل جج نے وکلائے صفائی کی عدم حاضری پر برہمی کا اظہار کرتے ہوئے کہا کہ وکلا کو پیش کریں ورنہ ہم کیس کی پیروی کے لیے سرکاری وکیل فراہم کریں گے۔

عدالت نے ملزمان پر فردجرم عائد کرنے کے لیے یکم فروری کی تاریخ مقرر کرتے ہوئے ملزمان کی گاڑی بینک کے حوالے کرنے کی اجازت دے دی۔

مرید عباس قتل کیس کی سماعت کے دوران ملزم عاطف زمان نے مقتول کی اہلیہ زارا عباس سے ’سوری‘ کہا جس پر زارا عباس نے کھری کھری سنا دیں۔

اس دوران عاطف زمان کا مرید عباس کی بیوہ سے سامنا ہوا تو اس نے زارا عباس سے مرید عباس کے قتل کی معافی مانگتے ہوئے ’سوری‘ کہا جس پر زارا نے ملزم سے کہا کہ ’میں کیا تمہیں اللہ  بھی معاف نہیں کرے گا ‘۔ اس ہر ملزم عاطف نے کہا کہ ’جی، جانتا ہوں‘۔

خیال رہےکہ اس کیس میں مرکزی ملزم عاطف زمان اور اس کا بھائی عادل زمان  بھی  گرفتار ہے۔

واضح  رہے کہ 9 جولائی 2019 کو ڈیفنس میں بول  نیوز  کے اینکر مرید عباس اور خضر حیات نامی شخص کو بزنس پارٹنر عاطف زمان نے قتل کیا تھا بعد ازاں عاطف نے خود کو بھی گولی مارکر خودکشی کی کوشش کی تھی۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.