مسلمان جوڑے نے ’لے پالک بیٹی ‘ ہندو کے ساتھ رخصت کردی

بھارت میں ایک مسلمان جوڑے نے اپنی ہندو لے پالک بیٹی کی شادی کرا دی ہے۔

تفصیلات کے مطابق بھارت کی ریاست کیرالہ سے تعلق رکھنے والے جوڑے نے ایک مقامی مندر میں راجیشوری کی شادی وشنو پرساد نامی لڑکے سے لے پالک بیٹی کی شادی کروا دی۔

مقامی میڈیا کے مطابق اتوار کے روز یہ شادی کروائی گئی اوراس موقع پر مسلمان جوڑے کی آنکھوں میں خوشی کے آنسو آگئے۔

اس شادی میں راجیشوری اور پرساد کے ہندو رشتے داروں کے ساتھ ساتھ راجیشوری کو بچپن میں گود لے کر پالنے والے عبداللہ اور ان کی بیوی خدیجہ کے خاندان والوں نے بھی شرکت کی۔

یاد رہے کہ شادی میں عبداللہ کی 84 سالہ بوڑھی ماں بھی خصوصی طور پر شریک ہوئیں۔

عبداللہ نے بتایا کہ ’جب راجیشوری ہمارے گھر آئی تو اس کی عمر سات آٹھ سال تھی۔ پھر اس کے والدین کا انتقال ہو گیا ۔ اب اس کی عمر 22 برس ہے۔‘

بچی کو لے کر پالنے کی وجہ یہ تھی کہ راجیشوری نامی بچی کے ماں باپ بچپن میں ہی انتقال کر گئے تھے، اس وجہ سے عبداللہ نے ان کی بچی کو گود لے لیا تھا۔

راجیشوری کے والد ریلوے اسٹیشن پر قلی تھے اور وہ کام کاج کے لیے عبداللہ کے گھر آتے رہتے تھے جس کی وجہ سے عبداللہ راجیشوری کو جانتے تھے۔

والدین کے انتقال کے بعد جب راجیشوری عبداللہ کے گھر منتقل ہو گئیں تو عبداللہ فیملی نے ان کی پرورش بالکل اپنی بیٹی کی طرح کی۔

راجیشوری کا شادی کا وقت آیا تو عبداللہ اور ان کی بیوی نے ہی رشتہ دیکھ کر راجیشوری کی شادی طے کی۔

واضح رہے راجیشوری ہندہ مسلک سے تعلق رکھتی ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.