امریکی پاپ گلوکارہ میڈونا کی زندگی پر فلم بنے گی

امریکی پاپ گلوکارہ اپنی زندگی پر بننے والی فلم خود ہی لکھیں گی اور اس کی ہدایت کار بھی وہ خود ہی ہوں گی۔

اس کا اعلان یونیورسل پکچرز کی جانب سے کیا گیا ہے جو ایک بلاعنوان فلم کی تیاری میں ہیں اور یہ فلم میڈونا کی زندگی پر مبنی ہوگی۔

اس حوالے سے میڈونا نے کہا ہے کہ وہ اپنی زندگی پر مبنی فلم کو خود ہی لکھیں گی اور اس کی ہدایت بھی دیں گی۔

ان کا کہنا تھا کہ وہ زندگی میں بطور ایک گلوکارہ، موسیقار اور ڈانسر اس دنیا میں آگے بڑھنے کی اپنی کوششوں کے ناقابلِ یقین سفر کو خود لوگوں تک پہنچانا چاہتی ہیں۔

اپنے بیان میں میڈونا نے یہ بھی کہا کہ اس فلم کے توسط سے بھی ان کی توجہ کا مرکز موسیقی ہی ہوگی، کیونکہ موسیقی مجھے آگے بڑھاتی رہی اور فن نے مجھے زندہ رکھا۔

انھوں نے کہا کہ بہت ساری ان سنی اور متاثرکن کہانیاں موجود ہیں لیکن مجھ سے بہتر انداز میں انھیں کون بیان کرسکتا ہے، تاہم یہ ضروری ہے کہ میری زندگی کے نشیب و فراز میری اپنی آواز اور اپنے نظریے سے شیئر ہوں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

71