کیا آپ انسٹاگرام پر متعارف کرائے گئے نئے فیچر سے واقف ہیں؟

ویڈیو اینڈ فوٹو شیئرنگ کی مقبول ایپ انسٹاگرام اسٹوریز کے لیے کیپشن اسٹیکرز میں اضافہ کر دیا۔

غیر ملکی خبر رساں ادارے کی رپورٹ کے مطابق انسٹاگرام نے ویڈیو اسٹوریز کے لیے نئے ‘کیپشن اسٹیکرز’ متعارف کرادئیے جو ویڈیو کی آواز کو تحریر میں بدل دے گا۔

یہ کیپشن اسٹیکرز صارفین کو ویڈیو بغیر آڈیو کے دیکھ کر سمجھنے کی سہولت فراہم کریں گے۔

صارف اسٹائل، کیپشن اور ٹیکسٹ کی پوزیشن اور رنگ کو بھی بدل کر اپنی ویڈیو کے مطابق کرسکے گا۔

پوسٹ ہونے کے بعد کیپشن ویڈیو کے ساتھ نظر آئیں گے۔ انسٹاگرام جلد ہی عام صارفین کے لیے یہ فیچر متعارف کرائے گا۔

دوسری جانب رپورٹ کے مطابق فوٹو شیئرنگ ایپ انسٹاگرام جلد صارفین کی مخصوص تعداد کو یہ اجازت دے گا کہ وہ یہ فیصلہ کر سکیں کہ آیا وہ اپنی پوسٹس پر آنے والے لائیکس یا دوسروں کی پوسٹس کے لائیکس کی تعداد کو دیکھنا چاہتے ہیں یا نہیں۔

فیس بک کے مطابق انسٹاگرام پر اس آزمائش کے تحت صارفین صرف اپنی پوسٹس پر آنے والے لائیکس نہیں دیکھ سکیں گے لیکن پوسٹس پر آنے والے کمنٹس دیکھے جا سکیں گے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

186