اقوام متحدہ: صومالیہ کے قریب بحری قذاقی کے خلاف قرارداد منظور

image
اقوام متحدہ کی سلامتی کونسل نے بحری قذاقی سے نمٹنے کے لیے صومالیہ کے ساتھ دیگر ممالک اور علاقائی تنظیموں کے تعاون کے لیے اپنی حمایت کی تجدید کرتے ہوئے اس میں مزید تین ماہ کی توسیع کردی۔

قرارداد نمبر 2608 کو متفقہ طور پر منظور کرتے ہوئے کونسل نے فیصلہ کیا کہ قرارداد کی تاریخ سے آگے مزید تین ماہ مینڈیٹ میں توسیع کی گئی ہے۔

قرارداد کی رُو سے صومالیہ کے ساحلوں کے قریب بحری قذاقی اورمسلح ڈکیتی کی وارداتوں کے خلاف جنگ میں قرارداد نمبر 2554 کے تحت صومالی حکام کے ساتھ تعاون کرنے والی ریاستوں اور علاقائی تنظیموں کو دیے گئے اختیارات کی تجدید کی گئی ہے۔

تعاون کی ان کارروائیوں کے لیے صومالی حکام اقوام متحدہ کے سیکرٹری جنرل کو پیشگی اطلاع فراہم کرتے ہیں۔

سلامتی کونسل کا کہنا ہے کہ گزشتہ 12 ماہ میں صومالیہ کے ساحلوں پر بحری قذاقی کا کوئی کامیاب حملہ نہیں ہوا اور انسداد بحری قذاقی کی مشترکہ کوششوں کے نتیجے میں 2011 سے بحری قذاقوں کے حملوں اور ہائی جیکنگ کی کارروائیوں میں مسلسل کمی آئی ہے۔

سلامتی کونسل کا مزید کہنا ہے کہ مارچ 2017 کے بعد سے تاوان کے لیے بحری جہازوں کے اغوا کا کوئی کامیاب واقعہ رونما نہیں ہوا۔

Square Adsence 300X250

News Source   News Source Text

WATCH LIVE NEWS

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.