برطانوی وزیر اعظم بیٹی کے باپ بن گئے

image

برطانوی وزیر اعظم بورس جانسن بیٹی کے باپ بن گئے۔

غیر ملکی خبر رساں ادارے کے مطابق  برطانوی وزیراعظم بورس جانسن اور ان کی اہلیہ کیری نے بیٹی کی پیدائش کا اعلان کیا ہے۔

وزیر اعظم آفس کی جانب سے جاری کردہ بیان میں بتایا گیا ہے کہ بیٹی کی پیدائش جمعرات کی صبح میں ہوئی ہے اور ماں اور بیٹی دونوں بالکل صحت مند  ہیں۔

بورس جانسن کے وزیر اعظم بننے کے بعد یہ ان کا دوسرا بچہ ہے۔ اس سے قبل اپریل 2020 میں ان کے ہاں بیٹے (ولفریڈ) کی  پیدائش ہوئی تھی۔

بورس جانسن  کے 2019 میں وزیر اعظم بننے کے بعد  10 ڈاؤننگ اسٹریٹ میں منتقل ہونے والا  یہ پہلا غیر شادی شدہ جوڑا  تھا جو برطانوی وزیر اعظم کی لندن کی سرکاری رہائش گاہ پر اکٹھے رہنے لگا۔

57 برس کے بورس جانسن اور 33 برس کی کیری نے مئی 2021 میں شادی کی تھی جو بورس کی تیسری جبکہ کیری کی پہلی شادی تھی۔

بورس جانسن کے دوسری شادیوں سے کم از کم پانچ دیگر بچے  بھی ہیں۔

رواں صدی میں پیدا ہونے والا یہ چوتھا بچہ ہےجس کے والد موجودہ برطانوی وزیر اعظم   ہیں۔

اس سے قبل ٹونی بلیئر اور ڈیوڈ کیمرون کی بیویوں نے بھی اس وقت بچوں کو جنم دیا جب ان کے شوہر وزارت عظمیٰ کے عہدے پر فائز تھے۔

Square Adsence 300X250


News Source   News Source Text

WATCH LIVE NEWS

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.