ٹویٹر نے تمام آپریٹنگ سسٹم کے لیے اسپیس ریکارڈنگ کی سہولت پیش کردی

image

قارئین کو یاد ہوگا کہ ٹویٹرنے آڈیو ریکارڈنگ کا فیچر اسپیس کے نام سے پیش کیا تھا جس پر تیزی سے کام جاری تھا اور اب کہا ہے کہ ایپل اور اینڈروئڈ سمیت تمام آپریٹنگ سسٹم استعمال کرنے والے اسے استعمال کرتے ہوئے اپنی آڈیو چیٹ ریکارڈ کرسکتے ہیں اور ان کے فالوورز انہیں سن سکتے ہیں۔

اس آٌپشن سے بطورِ خاص فنکار اور مشہور شخصیات کو فروغ ملے گا جن کے مداح ان کی آواز میں ریکارڈ ٹویٹ یا پیغام سننا چاہتے ہیں۔ اس طرح اسپیس چیٹ اور ریکارڈنگ کو بار بار شیئر بھی کیا جاسکتا ہے۔ دوبارہ یعنی ری شیئر بھی  کرنا ممکن ہے جس کے بعد اسپیس کی پہنچ مزید وسیع ہوتی جائے گی۔

اس کے لیے سیٹ اپ میں جاکر ریکارڈ اسپیس آپشن منتخب کیجئے۔ ریکارڈنگ بٹن دبتے ہی سرخ ہوجائے گا اور جب چاہیں آپ چیٹ ریکارڈنگ مکمل کرسکتے ہیں۔ ریکارڈ ہوتے ہی یہ آواز آپ کی ٹائم لائن یا ٹویٹر وال پر ظاہر ہوجائے گی اور یوں تمام فالوور اس سے آگاہ ہوکرسن سکیں گے۔

ٹویتر کی طرح کلب ہاؤس نے بھی یہ آپشن  پیش کیا تھا کیونکہ لاک ڈاؤن اور وبا کی باعث آمدورفت محدود ہوگئی ہے اور لوگ ایک دوسرے کی آواز سننے کو بھی ترس گئے ہیں۔ اگرچہ ٹویٹر کا اسپیس آپشن کبھی مقبول اور کبھی غیرمقبول رہا لیکن ٹویٹر اس پر اب بھی کام کررہا ہے اور اسپیس ریکارڈنگ اس کی تازہ ترین مثال بھی ہے۔

Square Adsence 300X250


News Source   News Source Text

WATCH LIVE NEWS

مزید خبریں
سائنس اور ٹیکنالوجی
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.