کورونا کے وار، پی ایس ایل کے دوران سخت سیفٹی پروٹوکولز کا اعلان

image

کورونا کے خطرے کے پیش نظر پی ایس ایل کیلئے پی سی بی انتظامیہ نے سخت ہیلتھ اینڈ سیفٹی پروٹوکولز کے نفاذ کا اعلان کردیا ہے۔

تفصیلات کے مطابق کورونا کی تشویشناک صورتحال کے تناظر میں پی سی بی نے سخت ہیلتھ اینڈ سیفٹی پروٹوکولز پر مبنی طویل دستاویز جاری کیا ہے۔

دستاویز کے مطابق5 سے 25 فیصد میچ فیس میں کٹوتی، 1 سے 5 میچز کی پابندی خلاف ورزی کی صورت میں کھلاڑیوں پر لگ سکتی ہے۔

پروٹوکولز کی سنگین خلاف ورزی کی سزا لیگ سے نکالے جانے کی صورت میں دی جائے گی۔

 کمیٹی کو  انفرادی کیسز کی بنیاد پر کم یا سخت سزا دینے کا مکمل اختیار حاصل ہوگا۔ مخصوص جگہوں کے باہر چھ فٹ فاصلے، پانی کی بوتل، سامان تولئے کا آپس میں استعمال، میچ سے پہلے یا بعد میں ہاتھ ملانا گراونڈ یا ڈریسنگ روم سے لانڈری نہ اٹھانا معمولی خلاف ورزیوں میں شامل ہے۔

مزید براں، اجازت کے بغیر آئسولیشن روم میں جانا،پندرہ منٹ سے زیادہ فزیو تھراپی کا سیشن کرانا بھی معمولی خلاف ورزیوں میں شامل ہے۔

دوسری جانب ہوٹل کے مینٹیننس اسٹاف کے علاوہ کسی دوسرے کو کمرے میں بلانا یا ملنے جانا، ماسک پہننا لازمی ہو اور نہ پہنا ہو، بائیو ببل انٹیگریٹی مینیجر کی اجازت کے بغیر کمرے میں کوئی چیز منگوانا اور انتظامیہ کی جانب سے طلب کیے جانے پر اپنی علامات کے حوالے سے اپ ڈیٹ نہ کرنا سنگین خلاف ورزیوں میں شامل ہے۔

علاوہ ازیں، ایسی دوا کا استعمال جو علامات کو کم کردے یا ٹیسٹ کے رزلٹ پر اثر انداز ہو ایسے تمام اقدامات کا شماربھی سنگین خلاف ورزیوں میں ہوگا۔

یاد رہے کہ کوویڈ کی بگڑتی صورتحال نے پی ایس ایل کا انعقاد خطرے میں ڈال دیا ہے۔ انتظامیہ کی جانب سے سخت اقدامات کا ہونا اس امر کو ظاہر کرتا ہے کہ وہ پی ایس ایل کو لے کر کافی سنجیدہ ہے۔

Square Adsence 300X250


News Source   News Source Text

WATCH LIVE NEWS

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.