پی ایس ایل 7 پر کالے بادل منڈلانے لگے

image

کراچی: پی سی بی حکام کا کہنا ہے کہ اگر کورونا زیادہ پھیلا تو پی ایس ایل 7 کو موخر کردیا جائے گا۔

میڈیا رپورٹ کے مطابق پاکستان کرکٹ بورڈ کے چیف آپریٹنگ آفیسر سلمان تاثیر کا لیگ کی آفیشل لائیو اسٹریمنگ پارٹنر کے ساتھ معاہدے کی تقریب کے موقع پر کہنا تھا کہ کورونا دنیا بھر میں اثر انداز ہورہا ہے۔

انہوں نے کہا کہ ہم جتنی تیاری کرسکتے تھے وہ ہم نے کرلی ہے لیکن اگر پھر بھی کورونا زیادہ پھیلنے لگا تو لیت کو ملتوی کردیا جائے گا اور ایک ہفتے کے وقفے کے بعد دوبارہ ایونٹ کا انعقاد ممکن بنایا جائے گا۔

یہ بھی پڑھیں: اومیکرون کے باعث کھیلوں کا ایک اور ایونٹ متاثر

ان کا کہنا تھا کہ پوری کوشش ہے کہ پی ایس ایل جاری رکھیں، کھلاڑیوں اور پروڈکشن کریو سمیت اسٹاف کا بیک اپ موجود ہے۔

انہوں نے مزید کہنا تھا کہ ہمارے پاکستانی کھلاڑی اسٹارز ہیں، کھلاڑیوں کو چارٹرڈ فلائٹ کے ذریعے لاہور لے جائیں گے۔

واضح رہے کہ پی ایس ایل 7 میں کورونا سے کھلاڑی اور ان کے اہل خانہ سمیت گراؤنڈ اسٹاف بھی کورونا سے متاثر ہورہے ہیں جبکہ پی ایس ایل کے سربراہ اور ان کی اہلیہ بھی کورونا سے متاثر ہونے کے بعد 10 روزہ قرنطینہ میں موجود ہیں۔

یہ بھی پڑھیں: کورونا ویکسین کے بغیر آنے والوں تماشائیوں کو موقع پر ہی ویکسین لگانے کا فیصلہ

پی ایس ایل کے سینئر افسر عون زیدی بھی کورونا سے متاثر ہونے کے بعد قرنطینہ میں چلے گئے ہیں جبکہ سرفراز احمد کی والدہ اور اہلیہ بھی کورونا وائرس سے متاثر ہوگئی ہیں۔

علاوہ ازیں کوئٹہ گلیڈی ایٹرز کے پانچ غیر ملکی کھلاڑی بھی کورونا سے متاثر ہونے کے بعد آئسولیشن میں ہیں جبکہ پی ایس ایل انتظامیہ نے کھلاڑیوں کے لئے ہوٹل میں ہی ببل بنانے کی تیاری شروع کر دی ہے۔

دوسری جانب پاکستان سپر لیگ کی انتظامیہ نے کورونا کیسز کی بڑھتی ہوئی شرح کے بعد اعلان کیا ہے کہ اب فرنچائز ٹیم کے 20 میں سے 12 کھلاڑیوں کے ساتھ بھی میچ شروع کرسکتی ہیں۔

یہ بھی پڑھیں: پی ایس ایل 7 کھلاڑیوں کے اہل خانہ بھی کورونا کی لپیٹ میں

پہلی بار گراؤنڈ اسٹاف کو بھی گھر جانے کی اجازت نہیں دی جائے گی، گراؤنڈ اسٹاف کو بھی کراچی کے ہائی پرفارمنس سینٹر میں قائم ببل میں رہنا ہوگا۔

یاد رہے کہ پی ایس ایل 7 کے میچز کراچی اور لاہور میں کھیلے جائیں گے جبکہ ایونٹ کا آغاز 27 جنوری سے کراچی کئنیشنل اسٹیڈیم میں کراچی کنگز اور ملتان سلطانز کے درمیان کھیلا جائے گا۔

Square Adsence 300X250


News Source   News Source Text

WATCH LIVE NEWS

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.