ہم جماعت کو قتل کرنے کے شک میں 17 سالہ طالب علم گرفتار

image

امریکی ریاست میری لیند میں 17 سالہ لڑکے کو اپنے ہم جماعت کو گولی مارنے کے الزام میں گرفتار کر لیا گیا۔

میری لینڈ کے شہر راک ویلے کے اسکول کرنل زیڈوک میگروڈر ہائی اسکول میں سیکیورٹی گارڈ نے 15 سالہ طالب علم کو گولی لگی زخمی حالت میں باتھ روم میں پایا۔

پولیس کے مطابق ہفتے کی شام کو جب زخمی کو سرجری کے لیے اسپتال لے جایا گیا تو اس کی حال نازک تھی۔

پریس ریلیز کے مطابق پولیس نے 17 سالہ اسٹیون ایلسٹن جونیئر کو مشتبہ شخص پایا۔

ابتدائی پریس کانفرنس کے مطابق اسکول سیکیورٹی کو جمعے کی دوپہر 12 بچ کر 53 منٹ کے قریب گولی مارنے کے متعلق علم ہو گیا تھا۔

پولیس اور SWAT ممبران نے عمارت کی تلاشی کے وقت اسکول میں لاک ڈاؤن کر دیا۔

ایلسٹن جونیئر کلاس کے اندر پایا گیا اور اس کو دوپہر 3 بجے کے بعد تحویل میں لے لیا گیا۔

جاری ہونے والے بیان کے مطابق اسکول کے اندر سے ایک بندوق برآمد ہوئی جس کے متعلق خیال کیا جاتا ہے کہ اس کو ایلسٹن جونیئر نے استعمال کیا تھا۔

پولیس نے مزید بتایا کہ مشتبہ شخص کے متعلق ایسا کوئی ثبوت سامنے نہیں آیا کہ وہ دوسرے طلبا یا اسکول کے عملے کو نشانہ بنانا چاہتا تھا۔

ایلسٹن کو ناقابلِ ضمانت طور پر حراست میں لیا گیا ہے اور اس پر بطور بالغ سیکنڈ ڈگری اقدامِ قتل، فرسٹ ڈگری تشدد، اسلحے کے استعمال، اسکول میں خطرناک ہتھیار کے رکھنے اور کم عمر کے ہتھیار رکھنے کے الزامات عائد کیے گئے ہیں۔

Square Adsence 300X250


News Source   News Source Text

WATCH LIVE NEWS

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.