وزن کی وجہ سے باڈی شیمنگ کا سامنا کرنا پڑا تھا، حبا بخاری

image

پاکستانی ڈرامہ انڈسٹری سے تعلق رکھنے والی اداکارہ حبا بخاری نے بتایا ہے کہ وہ وزن  کی وجہ سے باڈی شیمنگ کا شکار ہوئیں تھیں۔

 حال ہی میں اپنے ایک انٹویو کے دوران اداکارہ حبا بخاری نے اپنے بڑھے ہوئے وزن کے متعلق بات کی ہے۔

اداکارہ حبا نے بتایا ہے کہ انہیں انڈسٹری کے لوگوں کی جانب سے ہی باڈی شیمنگ کا شکار بنایا گیا تھا اس کے علاوہ صارفین بھی ان کے وزن پر بات کیا کرتے تھے۔

انہوں نے بتایا کہ میرے وزن کی وجہ سے مجھے بڑی عمر کی خاتون سمجھا جانے لگا تھا اور اس وجہ سے میں بہت پریشان ہوگئی تھی۔

 انہوں نے بتایا کہ بڑھے ہوئے وزن پر کی جانے والی باتوں نے مجھے ڈپریشن میں ڈال دیا تھا جس کے بعد میرا وزن اور زیادہ بڑھ گیا تھا۔

اداکارہ کا کہنا تھا کہ ڈپریشن کا شکار ہونے کے بعد میں نے اور زیادہ کھانا شروع کردیا تھا جس کی وجہ سے صرف ایک ماہ کے دوران میرا وزن 5 کلو تک بڑھ گیا تھا۔

حبا بخاری نے  بتایا ہے کہ اس سب صورتحال کو دیکھتے ہوئے میں نے خود پر توجہ دینے کا فیصلہ کیا اور پورے اعتماد کے ساتھ کام کیا۔

اداکارہ حبا بخاری نے بتایا کہ انٹرویوز اور سوشل میڈیا پر بہت سے لوگوں کو یہ کہتے ہوئے سنا جاتا ہے کہ باڈی شیمنگ غلط ہے کیونکہ اس کا برا اثر پڑتا ہے لیکن وہی لوگ مجھے وزن پر بات کرتے ہوئے دکھائی دیئے ہیں ۔

انہوں نے کہا ہے کہ یہ ہماری انڈسٹری کا المیہ ہے کہ باتوں باتوں میں کچھ بھی بول دیتے ہیں۔

ان کا کہنا تھا کہ میں سب کو یہی مشورہ دوں گی کہ آپ خود پر بھروسہ رکھیں اور جو کچھ کریں اپنے لئے کریں۔

Square Adsence 300X250


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.