ملک بھر میں مہنگائی کی شرح میں مزید اضافہ

image

ملک بھر میں ہفتہ وار بنیادوں پر مہنگائی کی شرح میں 1.42 فیصد مزید اضافہ ہوگیا۔

ادارہ شماریات نے ہفتہ وار مہنگائی کے اعدادوشمار جاری کر دیئے ہیں جس کے مطابق ایک ہفتے کے دوران 33 اشیائے ضروریہ مہنگی ہوئی ہیں۔

اعدادوشمار کے مطابق زندہ مرغی 28 روپے 26 پیسے فی کلو، دال مسور 14 روپے 88 پیسے، دال چنا 6 روپے 54 پیسے اور دال ماش 5 روپے 18 پیسے فی کلوتک مہنگی ہوئی، 20 کلو آٹے کا تھیلا 54 روپے 62 پیسے اضافے کیساتھ 1425 روپے تک پہنچ گیا۔

رپورٹ کے مطابق انڈے 6 روپے 28 پیسے فی درجن، مٹن 6 روپے 67 پیسے اور بیف 5 روپے 84 پیسے فی کلو مہنگا ہوا، دہی دودھ، چینی، گھی، چائے اور لہسن کی قیمت میں بھی مزید اضافہ ہوا۔

ایک ہفتے میں 4 اشیاء کی قیمتوں میں کمی ہوئی ہیں جن میں کیلے 3 روپے 58 پیسے فی درجن سستے ہوئے ہیں۔

ادارہ شماریات کے مطابق حالیہ ہفتے ٹماٹر،آلو اورگڑ کی قیمت میں بھی کمی ہوئی ہیں۔ اس کے علاوہ ایک ہفتے میں 14 اشیائے ضروریہ کی قیمتوں میں استحکام رہا۔


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.