عمران خان کو نہیں پتا کہ ماں بہن کی عزت کس کو کہتے ہیں؟ نواز شریف

image

لندن: پاکستان مسلم لیگ (ن) کے قائد میاں نواز شریف نے کہا ہے کہ عمران خان نے پاکستان کی جو بربادی کی، ملکی تاریخ میں اس کی کوئی مثال نہیں ملتی ہے اور شائد آئندہ بھی نہ ملے۔

ہم نیوز کے مطابق لندن میں ذرائع ابلاغ سے بات چیت کرتے ہوئے سابق وزیراعظم میاں نواز شریف نے کہا کہ عمران خان نے ہر شعبے میں جو کیا ہے، اس کو دوبارہ ٹھیک کرنا بہت مشکل ہوگا۔

انہوں ںے کہا کہ عمران خان نے ملک کی معیشت، معاشرت و اخلاقیات کو تباہ کردیا اور بدتمیزی کے کلچر کی بنیاد ڈال دی۔

مریم نواز کے متعلق عمران خان کے بیان کو سخت تنقید کا نشانہ بناتے ہوئے میاں نواز شریف نے کہا کہ عمران خان کو نہیں پتا کہ ماں بہن کی عزت کس کو کہتے ہیں؟ خواتین کی عزت کا کیا مقام ہے؟ انہیں ہمارے اور اسلامی معاشرے میں خواتین کی عزت و مقام کا نہیں پتا، مدینہ کی ریاست کا نام لے کر حرکتیں وہ کرتا ہے جو دنیا کے کسی گندے سے گندے معاشرے میں بھی دیکھنے کو نہیں ملتی ہیں۔

انہوں نے کہا کہ پاکستان کو اس طرح تباہی کا شکار ہوتے ہوئے میری آنکھیں تو نہیں  دیکھ سکتی ہیں، میں یہ سمجھتا ہوں کہ ملک کی پچھلے 70 سالہ تاریخ کا سب سے بڑا مجرم کوئی آیا ہے تو اس کا نام عمران خان نام ہے۔

عمران خان کی مریم نواز پر تنقید: ایک نامناسب جملہ کہہ ڈالا

ایک سوال کے جواب میں سابق وزیراعظم کا کہنا تھاکہ ہم نے تو کب سے الیکشن کی تیاری مکمل کر رکھی ہے، ن لیگ نے ہمیشہ دلیرانہ فیصلے کیے ہیں، ضمنی الیکشن میں عمران کے دور میں انہیں شکست دی ہے اور اب بھی انہیں ہرائیں گے۔


News Source   News Source Text

WATCH LIVE NEWS

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.