دوسرا ٹیسٹ میچ، انگلینڈ نے نیوزی لینڈ کو شکست دے دی

image
انگلینڈ اور نیوزی لینڈ کے درمیان جاری تین ٹیسٹ میچوں کی سیریز کے دوسرے ٹیسٹ میچ میں انگلینڈ نے سنسنی خیز مقابلے کے بعد نیوزی لینڈ کو شکست دی تھی۔

نوٹنگھم میں کھیلے گئے دوسرے ٹیسٹ میچ میں انگلینڈ نے مہمان ٹیم کو میچ کے آخری دن 5 وکٹوں سے شکست دی۔

انگلینڈ کی اس فتح کی خاص بات کپتان بین سٹوکس اور جونی بیئرسٹو کی جارحانہ بیٹنگ تھی۔ بیئرسٹو نے 92 گیندوں پر 136 جبکہ انگلش کپتان نے 70 گیندوں پر 75 رنز بنائے تھے۔

ٹیسٹ میچ کے آخری روز انگلینڈ کو 72 اوورز میں 299 رنز کا ہدف ملا جسے انگلینڈ نے بیئرسٹو اور سٹوکس کی دھواں دھار بیٹنگ کے باعث صرف 50 اوورز میں  باآسانی پورا کرلیا۔

مسلسل شکستوں، سابق کھلاڑیوں اور میڈیا کی مسلسل تنقید کے بعد انگلینڈ کے لیے یہ جیت کسی تازہ ہوا کے جھونکے سے کم نہ تھی۔

انگلینڈ نے ٹیسٹ ٹیم کی کوچنگ کے لیے سابق کیوی کھلاڑی برینڈن میک کلم کی خدمات حاصل کی تھیں جبکہ جو روٹ کی جگہ بین سٹوکس کو ٹیسٹ ٹیم کا مستقل کپتان بنایا گیا تھا۔

انگلینڈ کے سابق کپتان اور معروف کمنٹیٹر ناصر حسین کہتے ہیں کہ ’بین سٹوکس اور برینڈن میک کلم نے انگلینڈ سے ہار کا خوف دور کردیا ہے۔‘

انگلینڈ کے ایک اور سابق کپتان مائیکل وان نے اخبار ’دی ٹیلی گراف‘ کے ایک کالم میں لکھا کہ ’برینڈن میک کلم اور بین سٹوکس نے ہتھکڑیاں توڑ دی ہیں۔ اس انگلینڈ سے ڈرنا ہوگا۔‘

میچ جتنے کے بعد انگلینڈ کے کپتان بین سٹوکس نے گراؤنڈ میں بیٹھی اپنی والدہ کو گلے لگایا اور یہ جذباتی منظر سوشل میڈیا صارفین کو بھا گیا۔

ٹوئٹر صارف پراتیک کہتے ہیں کہ ’اسی چیز کے لیے ہی تو جیتے ہیں، اپنے والدین کو فخر محسوس کروانے کے لیے۔‘

This is what u live for..to make ur parents proud

— Pratik Sehajpal (@Pratik25703) June 15, 2022

ٹوئٹر صارف آؤنی اختر کہتے ہیں کہ ’اگر خوش قسمتی سے آپ کی والدہ آج آپ کی زندگی میں موجود ہیں تو انھیں اتنا ہنسائیں جتنا بین سٹوکس نے اپنی کپتانی میں پہلی سیریز جیتنے کے بعد اپنی والدہ کو ہنسایا ہے۔‘

Guys if you're fortunate enough to have a mother in your life today, aim to make her smile as much as Ben Stokes made his mum smile after his first series win as England Test captain.#ENGvNZ pic.twitter.com/LBotzByDHa

— Auni Akhter (@AuniAkhter) June 14, 2022

زوکو نامی ٹوئٹر صارف نے اس تصویر کو کوٹ کرتے ہوئے لکھا کہ ’یہ ہر لڑکے کا خواب ہے۔‘

Every boy's dream https://t.co/PQzKERzb0S

— Zuko (@zukorintaro) June 15, 2022

خیال رہے کہ انگلینڈ اور نیوزی لینڈ کے درمیان سیریز کا تیسرا میچ 23 جون سے ہیڈنگلے میں کھیلا جائے گا جبکہ اسی وقفے کے دوران ہی انگلینڈ کی ون ڈے ٹیم 17 جون سے 22 جون تک نیدرلینڈز کے ساتھ ون ڈے سیریز کھیلے گی۔


News Source   News Source Text

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.