حکومت نےشہباز گل کی ضمانت منسوخی کی درخواست سپریم کورٹ میں دائر کردی

image

حکومت نے پی ٹی آئی رہنما شہباز گل کی ضمانت منسوخی کی درخواست سپریم کورٹ میں دائر کردی۔

شھباز گل کی ضمانت منسوخ کی جائے،حکومت نے ضمانت منسوخی کی درخواست سپریم کورٹ میں دائر کردی۔  عدالت میں دائر کی گئی درخواست میں موقف اپنایا گیا ہے کہ ہائیکورٹ نے حقائق کا صحیح جائزہ نہیں لیا۔

درخواست میں کہا گیا  ہے کہ عدالت نے ضمانت کے طے شدہ اصولوں کی خلاف ورزی کی۔شہباز گل نے سلامتی کے اداروں کو بغاوت پر اکسانے کی کوشش کی ہے۔

یہ بھی پڑھیں:

درخواست میں استدعا کی گئی ہے کہ سپریم کورٹ ہائیکورٹ کا 15 ستمبرکا شہباز گل کو رہا کرنے کےحکم کا جائزہ لے کر اسے کالعدم قرار دے۔

واضح رہے کہ اسلام آباد ہائیکورٹ نے بغاوت کے مقدمے میں  شہباز گل کی ضمانت 5 لاکھ روپے کی مچلکوں کے عوض منظور کی تھی۔

خیال رہے کہ  پی ٹی آئی رہنما شہباز گل کو اداروں کے خلاف بیان دینے پر بغاوت کے مقدمے میں گرفتار کیا گیا تھا۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.