اج سک متراں دی ودھیری اے

Poet: Pir Mehr Ali Shah
By: diya, khi

اج سک متراں دی ودھیری اے​

اج سک متراں دی ودھیری اے​
کیوں دلڑی اداس گھنیری اے​

لون لوں وچ شوق چنگیری اے​
اج نیناں نے لایاں کیوں جھڑیاں​

اس صورت نوں میں جان آکھاں​
جانان کہ جان جہان آکھاں​

سچ آکھاں تے رب دی شان آکھاں​
جس شان تو شاناں سب بنیاں​

ایہہ صورت ہے بے صورت تھیں​
بے صورت ظاہر صورت تھیں​

بے رنگ دسے اس مورت تھیں​
وچ وحدت پھٹیاں جد گھڑیاں​

اج سک متراں دی ودھیری اے​

دسے صورت راہ بے صورت دا​
توبہ راہ کی عین حقیقت دا​

پر کم نہیں بے سوجھت دا​
کوئی ورلیاں موتی لے تریاں​

ایہا صورت شالا پیش نظر​
رہے وقت نزع تے روز حشر​

وچ قبر تے پل تھیں جد ہوسی گذر​
سب کھوٹیاں تھیں سن تد کھریاں​

یعطیک ربک داس تساں​
فترضی تھیں پوری آس اساں​

لج پال کریسی پاس اساں​
واشفع تشفع صحیح پڑھیاں​

اج سک متراں دی ودھیری اے​

لاہو مکھ تو مخطط برد یمن​
من بھانوری جھلک دکھلاو سجن​

اوہا مٹھیاں گالیں الاو مٹھن​
جو حمرا وادی سن کریاں​

حجرے توں مسجد آو ڈھولن​
نوری جھات دے کارن سارے سکن​

دو جگ اکھیاں راہ دا فرش کرن​
سب انس و ملک حوراں پریاں​

اج سک متراں دی ودھیری اے​

انہاں سکدیاں تے کرلاندیاں تے​
لکھ واری صدقے جاندیاں تے​

انہاں بردیاں مفت وکاندیاں تے​
شالا آون وت وی اوھ گھڑیاں​

سبحان اللہ ما اجملک​
ما احسنک ما اکملک​

کتھے مہر علی کتھے تیری ثنا​
گستاخ اکھیں کتھے جا اڑیاں​

Rate it:
18 Feb, 2020

More Pir Mehr Ali Shah Poetry

POPULAR POETRIES

FAMOUS POETS

About the Author: Owais Mirza
Visit Other Poetries by Owais Mirza »
Currently, no details found about the poet. If you are the poet, Please update or create your Profile here >>

Reviews & Comments

Language:    

My Page! Account Login:

(Post your Comments Immediately)
Email
Password
Do not have MyPage! account? Create Now

Guest Login:

(Comments will be online after Moderator Review)
Name
Email
City
Language:    

My Page! Account Login:

(Post your Comments Immediately)
Email
Password
Do not have MyPage! account? Create Now

Guest Login:

(Comments will be online after Moderator Review)
Name
Email
City