Add Poetry

Bas-Ki Dushwar Hai Har Kaam Ka Aasan Hona

Poet: MIRZA GHALIB By: Khawaja Mussadiq Rafiq, Karachi

Bas-Ki Dushvar Hai Har Kaam Ka Asan Hona
Aadmi Ko Bhi Mayassar Nahin Insan Hona

Girya Chahe Hai kharabi Mire Kashane Ki
Dar O Divar Se Tapke Hai Bayaban Hona

Va-E-Divangi-E-Shauq Ki Har Dam Mujh Ko
Aap Jaana Udhar Aur Aap Hi Hairan Hona

Jalva Az-Bas-Ki Taqaza-E-Nigah Karta Hai
Jauhar-E-A.Ina Bhi Chahe Hai Mizhgan Hona

Ishrat-E-Qatl-Gah-E-Ahl-E-Tamanna Mat Puchh
Id-E-Nazzara Hai Shamshir Ka Uryan Hona

Le Ga.E khaak Men Ham Dagh-E-Tamanna-E-Nashat
Tu Ho Aur Aap Ba-Sad-Rang-E-Gulistan Hona

Ishrat-E-Para-E-Dil Zakhm-E-Tamanna Khana
Lazzat-E-Rish-E-Jigar Gharq-E-Namak-Dan Hona

Ki Mire Qatl Ke Ba.Ad Us Ne Jafa Se Tauba
Haa.E Us Zud-Pashiman Ka Pasheman Hona

Haif Us Chaar Girah Kapde Ki Qismat 'Ghalib'
Jis Ki Qismat Men Ho Ashiq Ka Gareban Hona


 

Rate it:
Views: 2538
26 Sep, 2019
Related Tags on Mirza Ghalib Poetry
Load More Tags
More Mirza Ghalib Poetry
Popular Poetries
View More Poetries
Famous Poets
View More Poets