Add Poetry

Dil Hi To Hai Na Sang-O-Khisht Dard Se Bhar Na Aae Kyun

Poet: MIRZA GHALIB By: Khawaja Mussadiq Rafiq, Karachi

Dil Hi To Hai Na Sang-O-ḳhisht Dard Se Bhar Na Aa.E Kyuun
Ro.Enge Ham Hazar Baar Koi Hamen Sata.E Kyuun

Dair Nahin Haram Nahin Dar Nahin Astan Nahin
Baithe Hain Rahguzar Pe Ham Ghair Hamen Utha.E Kyuun

Jab Vo Jamal-E-Dil-Faroz Sūrat-E-Mehr-E-Nim-Roz
Aap Hi Ho Nazzara-Soz Parde Men Munh Chhupa.E Kyuun

Dashna-E-Ghamza Jan-Sitan Navak-E-Naz Be-Panah
Tera Hi Aks-E-Ruḳh Sahi Samne Tere Aa.E Kyuun

Qaid-E-Hayat O Band-E-Gham Asl Men Donon Ek Hain
Maut Se Pahle Aadmi Gham Se Najat Paa.E Kyuun

Husn Aur Us Pe Husn-E-Zan Rah Ga.I Bul-Havas Ki Sharm
Apne Pe E'timad Hai Ghair Ko Azma.E Kyuun

Vaan Vo Ghurūr-E-Izz-O-Naz Yaan Ye Hijab-E-Pas-E-Vaza.A
Raah Men Ham Milen Kahan Bazm Men Vo Bula.E Kyuun

Haan Vo Nahin ḳhuda-Parast Jaao Vo Bevafa Sahi
Jis Ko Ho Diin O Dil Aziiz Us Ki Gali Men Jaa.E Kyuun

'Ghalib'-E-ḳhasta Ke Baghair Kaun Se Kaam Band Hain
Roiye Zaar Zaar Kya Kijiye Haa.E Haa.E Kyuun
 

Rate it:
Views: 1273
19 Sep, 2019
Related Tags on Mirza Ghalib Poetry
Load More Tags
More Mirza Ghalib Poetry
Popular Poetries
View More Poetries
Famous Poets
View More Poets