Add Poetry

Kaifi Azmi Poetry, Ghazals & Shayari

Kaifi Azmi Poetry, Ghazals & Shayari

Kaifi Azmi Poetry allows readers to express their inner feelings with the help of beautiful poetry. Kaifi Azmi shayari and ghazals is popular among people who love to read good poems. You can read 2 and 4 lines Poetry and download Kaifi Azmi poetry images can easily share it with your loved ones including your friends and family members. Up till, several books have been written on Kaifi Azmi Shayari. Urdu Ghazal readers have their own choice or preference and here you can read Kaifi Azmi poetry in Urdu & English from different categories.

Related Tags on Kaifi Azmi Poetry
Load More Tags
Kaifi Azmi Poetry Images
Ibn E Maryam tum khuda ho
khuda ke bete ho
ya faqat amn ke payambar ho
ya kisi ka hasin takhayyul ho
jo bhi ho mujh ko achchhe lagte ho
mujh ko sachche lagte ho
us sitare men jis men sadiyon ke
jhoot aur kizb ka andhera hai
us sitare men jis ko har rukh se
rengti sarhadon ne ghera hai
us sitare men jis ki abadi
amn boti hai jang katti hai
raat piti hai nuur mukhdon ka
subh sinon ka khuun chatti hai
tum na hote to jane kya hota
tum na hote to us sitare men
devta rakshash ghulam imaam
parsa rind rahbar rahzan
barhaman shaikh padri, bhikshu
sabhi hote magar hamare liye
kaun chadhta khushi se suuli par
jhonpadon men ghira ye virana
machliyan din men sukhti hain jahan
billiyan duur baithi rahti hain
aur kharish-zada se kuch katte
lete rahte hain be-niyazana
dum marode ki koi sar kuchle
katna kya vo bhunkte bhi nahin
aur jab vo dahakta angara
chan se sagar men duub jaata hai
tirgi odh leti hai duniya
kashtiyan kuchh kinare aati hain
bhang ganga, charas sharab, afyun
jo bhi laaen jahan se bhi laaen
daudte hain idhar se kuch sae
aur sab kuch utaar late hain
gaadi jaati hai adl ki mizan
jis ka hissa usi ko milta hai
yahan khatra nahin khayanat ka
tum yahan kyuun khade ho muddat se
ye tumhari thaki thaki bheden
raat jin ko zamin ke sine par
subh hote undel deti hai
mandiyon, daftaron milon ki taraf
haank deti dhakel deti hai
raste men ye ruk nahin saktin
tod ke ghutne jhuk nahin saktin
un se tum kya tavaqqoa rakhte ho
bhediya un ke saath chalta hai
takte rahte ho us sadak ki taraf
dafn jin men kai kahaniyan hain
dafn jin men kai javaniyan hain
jis pe ik saath bhagi phirti hain
khali jeben bhi aur tijoriyan bhi
jaane kis ka hai intizar tumhen
mujh ko dekho ki main vahi to huun
jis ko kudon ki chhanv men duniya
bechti bhi kharidti bhi thi
mujh ko dekho ki main vahi to huun
jis ko kheton se aise bandha tha
jaise main un ka ek hissa tha
khet bikte to main bhi bikta tha
mujh ko dekho ki main vahi to huun
kuchh mashinen banain jab main ne
un mashinon ke malikon ne mujhe
be-jhijak un men aise jhonk diya
jaise main kuchh nahin huun indhan huun
mujh ko dekho ki main thaka-hara
phir raha huun jugon se avara
tum yahan se hato to aaj ki raat
so rahun main isi chabutre par
tum yahan se hato khuda ke liye
jao vo vietnam ke jangal
us ke maslub shahr zakhmi gaanv
jin ko injil padhne valon ne
raund daala hai phunk daala hai
jane kab se pukarte hain tumhen
jaao ik baar phir hamare liye
tum ko chadhna padega sooli par
Junaid
Dosheeza Malan lo pau phati vo chhup gai taron ki anjuman
lo jam-e-mahr se vo chhalakne lagi kiran
khichne laga nigah men fitrat ka bankpan
jalve zamin pe barse zamin ban gai dulhan
gunje tarane subh ka ik shor ho gaya
aalam mai-e-baqa men sharabor ho gaya
phuli shafaq faza men hina tilmila gai
ik mauj-e-rang kaanp ke aalam pe chha gai
kul chandni simat ke gulon men sama gai
zarre bane nujum zamin jagmaga gai
chhoda sahar ne tirgi-e-shab ko kaat ke
udne lagi hava men kiran os chaat ke
machli jabin-e-sharq pe is tarah mauj-e-nur
lahra ke tairne lagi aalam men barq-e-tur
udne lagi shamim chhalakne laga surur
khilne lage shagufe chahakne lage tuyur
jhonke chale hava ke shajar jhumne lage
masti men phuul kanton ka munh chumne lage
tham tham ke zau-fishan hua zarron pe aftab
chhidka hava ne sabza-e-khvabida par gulab
murjhai pattiyon men machalne laga shabab
larzish hui gulon ko barasne lagi sharab
rindan-e-mast aur bhi sarmast ho gae
tharra ke hont jaam men paivast ho gae
doshiza ek khush-qad o khush-rang-o-khub-ru
malan ki nur-dida gulistan ki aabru
mahka rahi hai phulon se daman-e-arzu
tifli liye hai god men tufan-e-rang-o-bu
ranginiyon men kheli gulon men pali hui
nauras kali men qaus-e-quzah hai dhali hui
masti men rukh pe baal pareshan kiye hue
badal men sham-e-tur farozan kiye hue
har samt naqsh-e-pa se charaghan kiye hue
anchal ko bar-e-gul se gulistan kiye hue
lahra rahi hai bad-e-sahar paanv chuum ke
phirti hai titari si ghazab jhuum jhuum ke
zulfon men tab-e-sumbul-e-pechan liye hue
aariz men shokh rang-e-gulistan liye hue
ankhon men ruh-e-bada-e-irfan liye hue
honton men ab-e-laal-e-badakhshan liye hue
fitrat ne tol tol ke chashm-e-qubul men
saara chaman nichod diya ek phuul men
ai hur-e-bagh itni khudi se na kaam le
ud kar shamim-e-gul kahin anchal na thaam le
kaliyon ka le payam sahar ka salam le
‘kaifi’ se husn-e-dost ka taaza kalam le
shaer ka dil hai muft men kyuun dard-mand ho
ik gul idhar bhi nazm agar ye pasand ho
Faizan
Bewa Ki Khudkushi ye andheri raat ye saari faza soi hui
patti patti manzar-e-khamosh men khoi hui
maujzan hai bahr-e-zulmat tirgi ka josh hai
shaam hi se aaj qindil-e-falak khamosh hai
chand taare hain bhi to be-nur pathrae hue
jaise baasi haar men hon phuul kumhlae hue
khap gaya hai yuun ghata men chandni ka saaf rang
jis tarah mayusiyon men dab ke rah jaae umang
umdi hai kaali ghata duniya dubone ke liye
ya chali hai baal khole raand rone ke liye
jitni hai gunjan basti utni hi viran hai
har gali khamosh hai har rasta sunsan hai
ik makan se bhi makin ki kuchh khabar milti nahin
chilmanen uthti nahin zanjir-e-dar hilti nahin
so rahe hain mast-o-be-khud ghar ke kul pir-o-javan
ho gai hain band husn-o-ishq men sargoshiyan
haan magar ik samt ik goshe men koi nauhagar
le rahi hai karvaton par karvaten dil thaam kar
dil sambhalta hi nahin hai sina-e-sad-chak men
phuul sa chehra ata hai bevgi ki khaak men
ud chali hai rang-e-rukh ban kar hayat-e-mustaar
ho raha hai qalb-e-murda men javani ka fishar
hasraten dam todti hain yaas ki aghosh men
saikdon shikve machalte hain lab-e-khamosh men
umr amada nahin murda-parasti ke liye
baar hai ye zinda mayyat dosh-e-hasti ke liye
chahti hai laakh qaabu dil pe paati hi nahin
hae-re zalim javani bas men aati hi nahin
tharthara kar girti hai jab suune bistar par nazar
le ke ik karvat patak deti hai vo takiya pe sir
jab khanak uthti hain soti ladkiyon ki chudiyan
aah ban kar uthne lagta hai kaleja se dhuan
ho gai beva ki khatir niind bhi jaise haram
mukhtasar sa ahd-e-vaslat de gaya soz-e-davam
dopahar ki chhanv daur-e-shadmani ho gaya
pyaas bhi bujhne na paai khatm paani ho gaya
le rahi hai karvaton par karvaten ba-iztirar
aag men paara hai ya bistar pe jism-e-be-qarar
pad gai ik aah kar ke ro ke uth baithi kabhi
ungliyon men le ke zulf-e-kham-ba-kham ainthi kabhi
aa ke honton par kabhi mayus aahen tham gaiin
aur kabhi suuni kalai par nigahen jam gaiin
itni duniya men kahin apni jagah paati nahin
yaas is had ki ki shauhar ki bhi yaad aati nahin
aa rahe hain yaad paiham saas nandon ke suluk
phat raha hai gham se siina uth rahi hai dil men huuk
apni maan bahnon ka bhi ankhen churana yaad hai
aisi duniya men kisi ka chhod jaana yaad hai
baghban to qabr men hai kaun ab dekhe bahar
khud usi ko tiir us ke karne vaale hain shikar
jab nazar aata nahin deta koi bekas ka saath
zahr ki shishi ki janib khud-ba-khud badhta hai haath
dil tadap kar kah raha hai jald is duniya ko chhod
chudiyan todin to phir zanjir-e-hasti ko bhi tod
dam agar nikla to khoi zindagi mil jaegi
ye nahin to khair tanha qabr hi mil jaegi
vaan tujhe zillat ki nazron se na dekhega koi
chahe hansna chahe rona phir na rokega koi
vaan sab ahl-e-dard hain sab sahab-e-insaf hain
rahbar aage ja chuka rahen bhi teri saaf hain
dil inhin baton men uljha tha ki dam ghabra gaya
haath le kar zahr ki shishi labon tak aa gaya
tilmilati aankh jhapkati jhijakti hanpti
pi gai kul zahr akhir thartharati kanpti
maut ne jhatka diya kul uzv dhile ho gae
saans ukhdi, nabz dubi, hont niile ho gae
aankh jhapki ashk tapka hichki aai kho gai
maut ki aghosh men ik aah bhar kar so gai
aur kar ik aah sulge hind ki rasmon ka daam
ai javana-marg beva tujh pe ‘kaifi’ ka salam
saim
Bahrupni ek gardan pe saikdon chehre
aur har chehre par hazaron daagh
aur har daagh band darvaza
raushni in se aa nahin sakti
raushni in se ja nahin sakti
tang siina hai hauz masjid ka
dil vo duna pujariyon ke baad
chatte rahte hain jise kutte
kutte doona jo chaat lete hain
devtaon ko kaat lete hain
jaane kis kokh ne jana is ko
jaane kis sehn men javan hui
jaane kis des se chali kam-bakht
vaise ye har zaban bolti hai
zakhm khidki ki tarah kholti hai
aur kahti hai jhank kar dil men
tera mazhab, tira aziim khuda
teri tahzib ke hasin sanam
sab ko khatre ne aaj ghera hai
baad un ke jahan andhera hai
sard ho jaata hai lahu mera
band ho jaati hain khuli ankhen
aisa lagta hai jaise duniya men
sabhi dushman hain koi dost nahin
mujh ko zinda nigal rahi hai zamin
aisa lagta hai rakshas koi
ek gagar kamar men latka kar
asman par chadhega akhir-e-shab
noor saara nichod laega
mere taare bhi tod laega
ye jo dharti ka phat gaya siina
aur bahar nikal pade hain julus
mujh se kahte hain tum hamare ho
main agar in ka huun to main kya huun
main kisi ka nahin huun apna huun
mujh ko tanhai ne diya hai janam
mera sab kuchh akele-pan se hai
kaun puchhega mujh ko mele men
saath jis din qadam badhaunga
chaal main apni bhuul jaunga
ye aur aise hi chand aur saval
dhundne par bhi aaj tak mujh ko
jin ke maan baap ka mila na suragh
zehn men ye undel deti hai
mujh ko mutthi men bhench leti hai
chahta huun ki qatl kar duun ise
vaar lekin jab is pe karta huun
mere siine pe zakhm ubharte hain
mere mathe se khuun tapakta hai
jaane kya mera is ka rishta hai
andhiyon men azaan di main ne
sankh phunka andheri raton men
ghar ke bahar salib latkai
ek ik dar se us ko thukraya
shahr se door ja ke phenk aaya
aur elaan kar diya ki utho
barf si jam gai hai sinon men
garm boson se us ko pighla do
kar lo jo bhi gunah vo kam hai
aaj ki raat jashn-e-adam hai
ye miri astin se nikli
rakh diya daud ke charagh pe haath
mal diya phir andhera chehre par
hont se dil ki baat laut gai
dar tak aa ke barat laut gai
us ne mujh ko alag bula ke kaha
aaj ki zindagi ka naam hai khauf
khauf hi vo zamin hai jis men
firqe ugte hain firqe palte hain
dhare sagar se kat ke chalte hain
khauf jab tak dilon men baaqi hai
sirf chehra badalte rahna hai
sirf lahja badalte rahna hai
koi mujh ko mita nahin sakta
jashn-e-adam mana nahin sakta
faizan
یہ خواب کیسا دکھا رہی ہو یہ کس طرح یاد آ رہی ہو یہ خواب کیسا دکھا رہی ہو
کہ جیسے سچ مچ نگاہ کے سامنے کھڑی مسکرا رہی ہو
یہ جسم نازک، یہ نرم باہیں، حسین گردن، سڈول بازو
شگفتہ چہرہ، سلونی رنگت، گھنیرا جوڑا، سیاہ گیسو
نشیلی آنکھیں، رسیلی چتون، دراز پلکیں، مہین ابرو
تمام شوخی، تمام بجلی، تمام مستی، تمام جادو
ہزاروں جادو جگا رہی ہو
یہ خواب کیسا دکھا رہی ہو
گلابی لب، مسکراتے عارض، جبیں کشادہ، بلند قامت
نگاہ میں بجلیوں کی جھل مل، اداؤں میں شبنمی لطافت
دھڑکتا سینہ، مہکتی سانسیں، نوا میں رس، انکھڑیوں میں امرت
ہمہ حلاوت، ہمہ ملاحت، ہمہ ترنم، ہمہ نزاکت
لچک لچک گنگنا رہی ہو
یہ خواب کیسا دکھا رہی ہو
تو کیا مجھے تم جلا ہی لو گی گلے سے اپنے لگا ہی لو گی
جو پھول جوڑے سے گر پڑا ہے تڑپ کے اس کو اٹھا ہی لو گی
بھڑکتے شعلوں، کڑکتی بجلی سے میرا خرمن بچا ہی لو گی
گھنیری زلفوں کی چھاؤں میں مسکرا کے مجھ کو چھپا ہی لو گی
کہ آج تک آزما رہی ہو
یہ خواب کیسا دکھا رہی ہو
نہیں محبت کی کوئی قیمت جو کوئی قیمت ادا کرو گی
وفا کی فرصت نہ دے گی دنیا ہزار عزم وفا کرو گی
مجھے بہلنے دو رنج و غم سے سہارے کب تک دیا کرو گی
جنوں کو اتنا نہ گدگداؤ، پکڑ لوں دامن تو کیا کرو گی
قریب بڑھتی ہی آ رہی ہو
یہ خواب کیسا دکھا رہی ہو
رانا علی
مکان آج کی رات بہت گرم ہوا چلتی ہے
آج کی رات نہ فٹ پاتھ پہ نیند آئے گی
سب اٹھو، میں بھی اٹھوں تم بھی اٹھو، تم بھی اٹھو
کوئی کھڑکی اسی دیوار میں کھل جائے گی
یہ زمیں تب بھی نگل لینے پہ آمادہ تھی
پاؤں جب ٹوٹتی شاخوں سے اتارے ہم نے
ان مکانوں کو خبر ہے نہ مکینوں کو خبر
ان دنوں کی جو گپھاؤں میں گزارے ہم نے
ہاتھ ڈھلتے گئے سانچے میں تو تھکتے کیسے
نقش کے بعد نئے نقش نکھارے ہم نے
کی یہ دیوار بلند، اور بلند، اور بلند
بام و در اور، ذرا اور سنوارے ہم نے
آندھیاں توڑ لیا کرتی تھیں شمعوں کی لویں
جڑ دیئے اس لیے بجلی کے ستارے ہم نے
بن گیا قصر تو پہرے پہ کوئی بیٹھ گیا
سو رہے خاک پہ ہم شورش تعمیر لیے
اپنی نس نس میں لیے محنت پیہم کی تھکن
بند آنکھوں میں اسی قصر کی تصویر لیے
دن پگھلتا ہے اسی طرح سروں پر اب تک
رات آنکھوں میں کھٹکتی ہے سیہ تیر لیے
آج کی رات بہت گرم ہوا چلتی ہے
آج کی رات نہ فٹ پاتھ پہ نیند آئے گی
سب اٹھو، میں بھی اٹھوں تم بھی اٹھو، تم بھی اٹھو
کوئی کھڑکی اسی دیوار میں کھل جائے گی
Anila
Famous Poets
View More Poets
Poetry Images

Kaifi Azmi Poetry in Urdu

Kaifi Azmi Poetry - Kaifi Azmi is a poet who is still remembered for his beautifully written poetry as well as his remarkable services to brought Urdu literature to Indian motion pictures. He was born at Azamgarh District, Uttar Pradesh. He was a born poet and wrote his first poetry at the age of eleven years. Not only poetry but his leadership qualities also made him noticeable at that time. He was the member of Communist Party of India and afterward became the member of Progressive Writers Movement. In beginning of his career be was more focused toward the romantic poetry, songs full of love, sadness, grief and much more gestures but after the membership of Progressive Writer Movement he shifted his focus toward the path of socially conscious poetry. His first collection of poems, ‘Jhankar’ was published in 1943. He has worked as a lyricist, writer, and actor as well and he will always be remembered for Kaagaz Ke Phool (1959), Haqeeqat (1964), Heer Raanjha (1970). He received Padma Shri, (India's fourth-highest civilian) award, the Uttar Pradesh Urdu Academy Award and the Sahitya Akademi Award for Urdu for his collection Awaara Sajde, Special Award of Maharashtra Urdu Academy, Soviet Land Nehru Award, Lotus Award from the Afro-Asian Writers' Association, and President's Award for national integration. He was also pleased with the prestigious Sahitya Akademi Fellowship for lifetime achievement.

Kaifi Azmi Famous Proses:

Here are the famous proses of Kaifi Azmi:

Dil Ki Naazuk Ragen Tooti Hain
Yaad Itna Bhi Koi Naa Aye
(This prose is taken from the poem Aaj Socha To Ansu Bhar Aye)

Mera Bachpan Bhi Saath Le Aaya
Gaaon Se Jab Bhi Aa Gaya Koi
(This prose is taken from the poem Haath Aa Kar Laga Gaya Koi)

Guzarne Ko To Hazaron He Qafle Guzre
Zameen Pe Naqsh-e-Qadam Bas Kisi Kisi Ka Raha
(This prose is taken from the poem Jo Wo Mere Na Rahe Main Bhi Kb Kisi Ka Raha)

Which are the famous poetries by Kaifi Azmi?

Names of some famous poetries by Kaifi Azmi are mentioned below:

• Aurat
• Makaan
• Daaera
• Sanp
• Aadat
• Tasawwur
• Nazrana
• Ek Lamha
• Taj Mahal

Kaifi Azmi died on May 10, 2002, Mumbai, India. Find the latest collection of Kaifi Azmi poetry here. Kaifi Azmi Shayari is easy to understand by readers, you can find the best collection of Kaifi Azmi Poetry, Ghazal, Shayari, Songs, Nazm, and Poems on this page in urdu, hindi & English language. HamariWeb gives you an opportunity to pay tribute by sharing some of the finest collection of Kaifi Azmi Shayari online.

User Reviews