آج مانگ لو اللہ سے معافی

جب دوست دل میں بس جائے
جب باپ کی عزت کم ہوجائے

جب بھائی کلب کو جاتے ہوں
اور بہنوں کا حق کھاتے ہوں

جب ماں کی نظریں جھک جائیں
الفاظ لبوں تک رک جائیں

جب گھر گھر میں سر تال چلے
جب عورت ننگے بال چلے

جب رشوت سر چڑھ کے بولے
اور تاجر جان کے کم تولے

اور جب یہ سب کچھ ہوتا ہے
رب غافل ہے نہ سوتا ہے

جب اس کا قہر برستا ہے
قارون زمیں میں دھنستا ہے

پھر جب وہ پکڑ پہ آتا ہے
فرعون بھی غوطے کھاتا ہے

قوم عاد بھی زیر و زبر ہوئی
قرآن میں اس کی خبر ہوئی

یہ سب عبرت کو ہے کافی
آج مانگ لو اللہ سے معافی