Add Poetry

آج ہمیں یہ بات سمجھ میں آئی ہے

Poet: وصی شاہ By: Faizan, Hyderabad

آج ہمیں یہ بات سمجھ میں آئی ہے
تم موسم ہو اور موسم ہرجائی ہے

تو نے کیسے موڑ پہ چھوڑ دیا مجھ کو
دل کی بات چھپاؤں تو رسوائی ہے

تیرے بعد بچا ہے کیا جیون میں مرے
میں ہوں بھیگی شام ہے اور تنہائی ہے

آج مری آنکھوں میں ساون اترے گا
آج بہت دن بعد تری یاد آئی ہے

آج کی رات بہت بھاری ہے دونوں پر
آج مجھے وہ خط لوٹانے آئی ہے

جانے میں کیا سوچ کے چپ ہوں گم صم ہوں
جانے کیا وہ سوچ کے واپس آئی ہے

یہ مہمان نوازی ہے یا اور ہے کچھ
میرے لیے وہ چائے بنا کے لائی ہے

آج ہمیں یہ بات سمجھ میں آئی ہے
تم موسم ہو اور موسم ہرجائی ہے

Rate it:
Views: 2220
02 Jul, 2021
Related Tags on Wasi Shah Poetry
Load More Tags
More Wasi Shah Poetry
Popular Poetries
View More Poetries
Famous Poets
View More Poets