آمد ِ سرکار صلی اﷲ علیہ وآلہ وسلم سے پھیلی خوشبو خوشبو

آمد ِ سرکار ﷺ سے پھیلی خوشبو خوشبو
دونوں جہاں نے سونگھی خوشبو خوشبو

کُوں و مکاں نے لی ہیں بلائیں
جب کے پائی خوشبو خوشبو

فرش سے لے کے عرش تلک ہے
باغِ نبی ﷺ کی خوشبو خوشبو

اِنس و جِن کیا ...؟پسندِ رَب ہے
اُن کے چمن کی خوشبو خوشبو

آلِ نبی ﷺ کی شان نہ پوچھو
چار سُو پھیلی خوشبو خوشبو

کربَل بھی ہے اُن سے معتر
آج ہے پیاری خوشبو خوشبو

عشقِ نبی ﷺ کی اعظم اپنی
سانسوں میں رکھی خوشبو خوشبو