اللہ سے رشتہ ۔۔۔

قَہار اور جبار
یا
رحیم اور کریم
یہ فیصلہ کرنا مجھے مشکل ذرا نہیں
مانوں تجھے قہار تو
پابندیاں خود پر
خوفِ حدوداللہ
دوزخ کے ڈراوے
دنیا کی لذتوں سے کنارہ و اجتناب
رحیم بنا کر تجھے
مل جاتی ہیں مجھے
خود ساختہ رعایتیں
من مانی کی رخصت
توبہ کی آس میں بڑے گناہوں کی ہمت
بھر پور استفادہ رنگینی دنیا
تسکینِ نفس بھی
بِنا عمل دنیا میں تیرے رحم سے جنت
تو کِس لئے قائم کروں
تجھ سے میرے مالک
میں
خوف کا رشتہ