اپنے بندوں کے دِل میں نُورِ ایمان بڑھاتا ہے

اپنے بندوں کے دل میں نور ایمان بڑھاتا ہے
جہاں سے گماں نہ ہو وہاں سے عطا فرماتا ہے

تیری قدرت تیری رحمت میں کوئی کلام نہیں
حیات و موت پہ قادر تو نیند سے جگاتا ہے

خوف و تنہائی کے عالم میں تو ہی رب رحیم
ظلمتوں کی رات سے روشنی میں لاتا ہے

ہادی و رہبر سبھی کا رہنمائے مہرباں ہے
راہ سے بھٹکے ہوؤں کو راستہ دکھاتا ہے

عالم وحشت میں تیرا ذکر جو کرتا رہے
تیری رحمت سے دل وحشی سکون پاتا ہے

یا الٰہی تو ہی مالک اور تو ہی مختار ہے
قطرہ شبنم سے کیا لعل و گہر بناتا ہے

دامن عظمٰی تیری درگاہ میں یوں پھیلا رہے
تیرے در سے کوئی بھی مایوس نہیں جاتا ہےے