ایڈن یہاں کا نام ہے

ایڈن یہاں کا نام ہے
یاں زندگی دوام ہے

گر داخلہ مطلوب ہے
خواہش بہت ہی خوب ہے

کچھ قابلیت دکھلائیے
اور سفارش لائیے

گر انفارمیشن چاہیے
خود ہی یہاں پر آئیے

سمائیل بھول جائیے
عزرائیل کو ذہن میں لائیے

ٹیچر یہاں کے پیارے ہیں
سٹرکٹ سارے کے سارے ہیں

پرنسپل بھی خوش گفتار ہیں
وہ صاحبِ وقار ہیں

جتنے بھی طلباء ہیں یہاں
پڑھتے پڑھاتے ہیں کہاں ۔۔۔ ؟

یہ لائبریری نرالی ہے
ہر وقت رہتی خالی ہے

حسرت ہے یہ آباد کریں
نہ فالتو وقت برباد کریں

جو کمپیوٹر کی لیب ہے
یہ ڈھکتی سب کے عیب ہے

کثرت ہے طلباء کی یہاں
سب کچھ بس یاں پر ہے عیاں

تعلیم یاں کی اعلیٰ ہے
انداز یاں کا نرالا ہے

(یہ نظم ایڈن گرامر ہائی اسکول میں پڑھانے والے ایک دوست کی فرمائش پر لکھی)