ایک عورت ہے

سہے جو ظلم ہی ہر بار ایک عورت ہے
نبھائے رشتے لگاتار ایک عورت ہے

بناتی ہے یہ نمونہ بہشت کا گھر کو
غلط کہ باعث آزار ا یک عورت ہے

اس لیے تو ہے عورت کا مرتبہ اعلی
کہ پوری نسل کی معمار ایک عورت ہے

مرے حساب دنیا بھی اک کہانی ہے
جو سب سے اعلی ہے کردار ایک عورت ہے

یہ کس مقام پرلائیں ضرورتین اسکو
جو بک رہی سر بازار ایک عورت ہے

کتاب زیست کے ہر صفحے پر رقم ہے وہی
جہاں میں صاحب ایثار ایک عورت ہے

حیا ہی گہنا ہے اسکاحجاب زیور ہے
خدا کا قیمتی شاہکار ایک عورت ہے