بجلی ٹُر گئی-سرائیکی

اَئی تاں سئی پَر جھاتی پا کے، بجلی ٹُر گئی
اَپنا سوہنا مُکھ ڈِکھلا کے ، بجلی ٹُر گئی

پیپر یاد کرن دی خاطر ، یار پڑھاکو
پڑھن پیا جو عینک لاکے ، بجلی ٹُر گئی

شعر غزل دے رات کُوں لَتھِن سوچِم لِکھاں
لِکھن بیٹھاں کاغذ چاکے ، بجلی ٹُر گئی

اَدھی رات کُوں کُتا بھونکا ، بجلی آگئی
کُجھ چِر باد جو لیلا باکے ، بجلی ٹُر گئی

ڈیوا بال کے پِچھاں ہِٹاں بجلی آگئی
باہوَن لگاں یار بُجھا کے ، بجلی ٹُر گئی

مَردا ہانویں گرمی کولھوں گھِن آگئی آں
میکوں اے احسان جَتا کے ، بجلی ٹُر گئی