تا عمر ہم تو ایسے ہی غم دیکھتے رہے

Poet: رقیب By: رقیب, Karachi

تا عمر ہم تو ایسے ہی غم دیکھتے رہے
پیکر تراش جیسے صنم دیکھتے رہے

جب تک تھے اس کے ساتھ یہی کیفیت رہی
حسرت بھری نگاہ سے ہم دیکھتے رہے

اک شخص ایسا روح کے اندر اتر گیا
بچھڑا تو جس کے نقش قدم دیکھتے رہے

کچھ اس طرح سے ہم نے وفا کا بھرم رکھا
سوزش سے ہم کو اہل حرم دیکھتے رہے

تھا شہر بھر میں جس کی مسیحائی کا بیان
آصفؔ ہم اس کا دست کرم دیکھتے رہے

Rate it:
Views: 3
16 Nov, 2026