تجھ سے جب سے ہوا ہے پیار مجھے

Poet: فاروق By: فاروق, Chiniot

تجھ سے جب سے ہوا ہے پیار مجھے
نہ سکوں ہے نہ ہے قرار مجھے

سب یہ کہتے ہیں تو نہ آئے گا
ہے ترا اب بھی انتظار مجھے

مجھ کو اپنا اگر سمجھتا ہے
نام لے کر کبھی پکار مجھے

تو کبھی جان سے بھی پیارا تھا
اب نہیں تجھ پہ اعتبار مجھے

میں نہ آؤں گا تیرے دھوکے میں
یوں نہ شیشے میں تو اتار مجھے

جس کو پالا تھا ناز سے احمدؔ
وہ سمجھنے لگا ہے بار مجھے

Rate it:
Views: 4
16 Nov, 2026
More Ahmed Arsalan Poetry