اک دوست بے وفا جو ہوا تو پتہ چلا

Poet: رضا By: رضا, Chaman

اک دوست بے وفا جو ہوا تو پتہ چلا
وہ ساتھ چلتے چلتے رکا تو پتہ چلا

رستے کے بیچوں بیچ پڑا تھا میں کھا کے غش
لوگوں کے منہ سے جب یہ سنا تو پتہ چلا

یا خوش تھا یا اداس تھا ہم راہ میرے وہ
میں اس کے درمیاں سے ہٹا تو پتہ چلا

کرتا تھا تذکرہ وہ مرے آنسوؤں پہ روز
رنج و الم سے پالا پڑا تو پتہ چلا

انمول کس قدر تھا کسی کو خبر نہ تھی
دنیا سے جب چلا وہ گیا تو پتہ چلا

آسان عاشقی ہے سمجھتے تھے سب یہی
سچ کیا ہے میں نے جب یہ لکھا تو پتہ چلا

بستی میں جس نے آگ لگائی تھی دوستو
اب اس کا ہی مکان جلا تو پتہ چلا

واقف نہیں تھا اپنی طبیعت سے ارسلانؔ
کچھ روز میرے ساتھ رہا تو پتہ چلا

Rate it:
Views: 4
16 Nov, 2026
More Ahmed Arsalan Poetry