ترحم یا رسول اﷲ ﷺ ترحم

خجالت میں گری امت تہاری
اٹھی چاروں طرف سے بے قراری
چھپے کعبے میں دشمن دینِ باری
ہوئی اسلام کی ہر سو ہے خواری
ترحم یا رسول اﷲ ﷺترحم
ترحم یا رسول اﷲ ﷺترحم
ستاروں سے ہے خالی آسماں اب
شبِ دیجور چھائی ہے گھٹا اب
لٹی ایمان کی جائے قبا اب
بھرا کانٹوں سے ہے دامن صبا اب
ترحم یا رسول اﷲ ﷺترحم
ترحم یا رسول اﷲ ﷺترحم
دیارِ امن کھنڈر ہی فغاں کے
بچھی لاشیں جنازے بن دعا کے
نہیں چادر سروں پر اب حیا کے
عزازیلی بنے بندے خدا کے
ترحم یا رسول اﷲ ﷺترحم
ترحم یا رسول اﷲ ﷺترحم
بڑی چالیں عدو ظالم بچھائیں
درو دیوار اسلامی کو ڈھائیں
لبِ گُل پے ہیں مرنے کی دعائیں
ملیں نا کردہ جرموں کی سزائیں

ترحم یا رسول اﷲ ﷺترحم
ترحم یا رسول اﷲ ﷺترحم
کیا اسلام سے ہم نے کنارہ
کوئی پرسانِ غم نہ ہے ہمارا
میسر سائے کا بھی نہ سہارا
خس و خاشاک ہیں ہر سو خسارہ
ترحم یا رسول اﷲ ﷺترحم
ترحم یا رسول اﷲ ﷺترحم
نہیں قرآن سے کوئی علاقہ
گرے دلدل خودی میں ہم سراپا
اخوت کا نہیں احساس باقی
رہا مسلم حرم کا نہ حرا کا
ترحم یا رسول اﷲﷺ ترحم
ترحم یا رسول اﷲ ﷺترحم
کہاں جائے دلِ بے تاب اپنا
کبھی تھا ماہِ افلاکی بھی اپنا
نہیں کوئی کہیں جائے پناہ اب
کبھی لگتا جہاں سارا تھا اپنا
ترحم یا رسول اﷲ ﷺترحم
ترحم یا رسول اﷲ ﷺترحم
کوئی آئے تری امت کا حامی
تڑپ جس میں ہو مثلِ شیخِ جامیؒ
کوئی عجمی یا عربوں کا مقامی
کٹے جلدی ہماری یہ غلامی

ترحم یا رسول اﷲ ﷺترحم
ترحم یا رسول اﷲ ﷺترحم
فقط تیری محبت کا سہارا
اسی پر ہے فقیروں کا گزارا
نہیں جاتا کوئی دیکھا نظارہ
دلِ برباد نے تجھ کو پکارا
ترحم یا رسول اﷲ ﷺترحم
ترحم یا رسول اﷲ ﷺترحم
کہاں جائیں سگِ دربار تیرے
جو تیرے ہو چکے ہر دم ہیں تیرے
سراپا عبث دشمن کے ہیں گھیرے
ترے در سے اٹھیں پھر سویرے
ترحم یا رسول اﷲ ﷺترحم
ترحم یا رسول اﷲ ﷺترحم
تو قاسم ہے خدا کی ہر عطا کا
تو عاصم ہے ہماری ہر خطا کا
تو پیکر ہے کرم کا اور سخا کا
تو حامل ہے حمد کے اس لِوا کا
ترحم یا رسول اﷲ ﷺترحم
ترحم یا رسول اﷲ ﷺترحم
غریبوں کی گذارش شاہِ عالمﷺ
کرو نظرِ کرم اے شاہِ عالمﷺ
بجز تیرے نہیں درمانِ عالمﷺ
ترا دربار عالی شاہِ عالمﷺ

ترحم یا رسول اﷲ ﷺترحم
ترحم یا رسول اﷲ ﷺترحم