تو ہی تو

نہ میں غوث نہ قلندر
نہ سلمان نہ سکندر
میں ریت بڑکدی بلدی
میکو پورا نہ پوے سمندر
نہ میں چشتی نہ بہشتی
مٹی ہے میڈی کل ہستی
نہ میں پیر نہ نجومی
نہ میں ہاں صاحب ہجومی
میں نہ مومن ملا نہ نمازی
میں عشق کھلاڑی کھیڈاں بازی
نہ میں حبشی نہ ہاں رومی
میں نا واقف کل علو می
نہ میں خضر نہ ہاں بلھا
میں گلی گلی ہاں رلا
نہ میں حیدری نہ ہاں منصور
میں پاگل عشق تو مجبور
پا کے ساوے چولے
میں پھراں ہولے ہولے
اکھ میڈی یار کو گولے
تن من میڈا رو رو بولے
واللہ ، اللہ، الہ ھو
نہ ہاں غازی، فرید نہ ہجویری
میں کملا پھر داں دیری دیری
عطار،قادر نہ میں بری
میں مست تیڈی راہ اچ مری
سچل،بھٹائی ، نہ میں باھو
احمد آکھے مولا،تو،تو،تو ہی تو