تیرے سوا

میرے ہم سفر میرے ہم نشین
میں نے رب سے مانگا تو کچھ نہیں
میں نے مانگی جب بھی کوئی دعا
نہیں مانگا کچھ بھی تیرے سوا
یہ طلب کیا اے میرے خدا
سب ہی راحتیں سب ہی چاہتیئ
وہ عطا کرے تجھے منزلیں
تجھے بخت دے تجھے تاج دے
تجھے تخت دے
میرے ہم سفر میرے چارہ گر
یہ ہے دوستی کا کھٹن سفر
میرے ساتھ چل ذرا سوچ کر
ذرا دیکھ تو میرا حوصلہ
میرے پاس جو بھی ہے سب تیرا
نہیں اور کچھ بھی تیرے سوا
میری دوستی
میری زندگی
میری خاموشی
میری بےبسی
میرا علم بھی
میری صبح میری شام بھی
کہ جو مل سکے میرے دم میں بھی
میرے ہم سفر تو یقیں کر
مجھے مانگنا تو نہ آ سکا
میں نے پھر بھی مانگی یہی دعا
میں نے جب بھی اُس سے طلب کیا
نہیں مانگا کچھ بھی تیرے سوا