حسین (علیہ السلام) سخیاں دا بادشاہ اے
Poet: Dr Qamar Siddiqui By: Dr Qamar Siddiqui, Kharianویکھو رب کوجیاں تے کیڈا مہربان اے
علی دے غلاماں وچ میری وی پچھان اے
غازی دیاں دنیا نوں یاد نیں وفاواں
دین نوں سہارا دتا غازی دیاں بانہواں
اینویں تے نہیں دنیا تے جھولدا نشان اے
علی دے غلاماں وچ میری وی پچھان اے
ویکھو رب کوجیاں تے کیڈا مہربان اے
اک پاسے تیراں دی بوچھاڑ پئی ھوندی سی
اک پاسے صغری بیمار پئی روندی سی
ایڈا ڈاھڈا کسے دا نہ دٹھا امتحان اے
علی دے غلاماں وچ میری وی پچھان اے
ویکھو رب کوجیاں تے کیڈا مہربان اے
حسین لجپال نے کمال کر چھڈیا
جاں بلب دین نوں نہال کر چھڈیا
سخیاں دا بادشاہ سخاوت دی جان اے
علی دے غلاماں وچ میری وی پچھان اے
ویکھو رب کوجیاں تے کیڈا مہربان اے
من کنت مولا آقا آپ فرمایا اے
حسین منی دا نعرہ لگایا اے
مدح خواں جنہاں دا صاحب قرآن اے
اونہاں دے غلاماں وچ قمر دی پچھان اے
ویکھو رب کوجیاں تے کیڈا مہربان اے
علی دے غلاماں وچ میری وی پچھان اے
