حمد ہے تجھ کو خدائے کارساز

حمد ہے تجھ کو خدائے کارساز
تجھ سے قائم ہے زمانے کا نظام
تونے بخشی ہے حیات وتازگی
زندگی دی مردہ دل تھے ہم سبھی
ہے رواں دریا، رواں ہے آبشار
جھرنوں سے جاری ہے کل کل بار بار
تیری ہی تخلیق ہے سارا جہاں
توہی خالق،
توہی مالک،
توہی رازق یاخدا
نور تیرا ہر جگہ موجود ہے
عالمِ امکاں منور تجھ سے ہے
تیری خوشبو ہر جگہ موجود ہے
ہشت جنت کی بہاریں تجھ سے ہیں
ہر جگہ تیرا ظہور ہے بے گماں
ہے وریدوں میں توہی شریاں میں تو،
گلستانوں میں توہی ، صحرا میں تو،
کہساروں، سبزہ زاروں میں بھی تو،
تو منزّہ ہر مکاں سے یاخدا
تو مبرّہ این وآں سے بے گماں
ہے توہی اوّل بھی تو آخر بھی تو،
ہے توہی باطن بھی اور ظاہر بھی تو،
ناکوئی معبود ہے تیرے سوا
توہی واحد،
تو اَحَد ہے یاخدا
کردے میرے دل کے ہر اک تار کو
آشنا تو نعتیہ نغمات سے
گرمیِ گفتار میری دُور کر
یاد میں محبوب کے ہوں روزو شب
عشق دیدے سیّدِ ابرار کا
تو کریم
توہی معطی ہے یا خدا
حمد ہے تجھ کو مرے ربِّ عظیم