ختم شب قصۂ مختصر نہ ہوئی
Poet: قمر جلالوی By: Qaiser, Abbottabadختم شب قصۂ مختصر نہ ہوئی
شمع گل ہو گئی سحر نہ ہوئی
روئے شبنم جلا جو گھر میرا
پھول کی کم ہنسی مگر نہ ہوئی
حشر میں بھی وہ کیا ملیں گے ہمیں
جب ملاقات عمر بھر نہ ہوئی
آئینہ دیکھ کر یہ کیجیے شکر
آپ کو آپ کی نظر نہ ہوئی
سب تھے محفل میں ان کی محو جمال
ایک کو ایک کی خبر نہ ہوئی
سینکڑوں رات کے کئے وعدے
ان کی رات آج تک قمرؔ نہ ہوئی
Rate it: 
Views: 464
08 Jul, 2021
More Qamar Jalalvi Poetry
