دافعِ مشکلات ، آقا مرے

باعثِ کائنات ، آقا مرے
زمزمہ ء حیات ، آقا مرے

دیکھیں سب نے بشر کے پردے میں
تیری نوری صفات آقا مرے

ہر نفس کے لئے مسیحا ہیں وہ
دافعِ مشکلات ، آقا مرے

خاتم الاانبیاء ، اول الاانبیاء
حاملِ صد صفات آقا مرے

سنگدلوں کو بھی اب پڑھادیجئے
کلمہء اسم ذات ، آقا مرے

مثل اسکی ملے ، یہ ، ممکن نہیں
تیری آمد کی رات آقا مرے

چشم عاصی کا سرمہ ، خاک قدم
نور کے یہ ، ذرات آقا مرے

آل ، ہوں آپکی ، سکھادیجئے
کچھ رموز حیات آقا مرے

حالِ خستہ سنانے ، کوآقا مرے
مفتی لایا ہے ، نعت آقا مرے